Audio

Forum

Read

Contests

Language


Write

Sign in
Wohoo!,
Dear user,
ଚକ୍ରବ୍ୟୁହ
ଚକ୍ରବ୍ୟୁହ
★★★★★

© Balabanta Sahu

Others

1 Minutes   13.2K    6


Content Ranking

ତତଲା କଢ଼େଇରେ ନିଜର ପରିଚୟକୁ ଫ୍ରାଏ କରି

ନୂଆ ଜନ୍ମିଥିବା ପକୁଡି

ଯାହାକୁ ଖାଇସାରିଛି ଦାମ ଭୋଇ

ବଳିଛି କେବଳ ତୈଳାକ୍ତ ଖବରକାଗଜ

ଯେଉଁଠି ସ୍ପଷ୍ଟ ପଢିହେଉଛି 'ନିଜର' ଶବ୍ଦ ଟା ।


ସେହି 'ନିଜର' ଶବ୍ଦ ଟା ଖୁ' ଆତ୍ମୀୟ

ଯିଏକି ଦାମକୁ କ୍ଷଣକେ ପହଞ୍ଚାଇ ପାରେ

ଭିନ୍ନ ଏକ ଦୁନିଆରେ

ଯେହ୍ନେ ସବୁକିଛି ନିଚ୍ଛକ , ବାସ୍ତବ ଆଉ ଜୀବନ୍ତ ।


ଏତେ ବଡ଼ ଦୁନିଆ..

ହେଲେ ଗୋଚର ପାଖ ଧାନକ୍ଷେତ ବ୍ୟତିତ

କ'ଣ ବା ଅଛି ଯେ ତା'ର ?

ନିଜର ବୋଲି !


ତା' ସଂପତ୍ତି କହିଲେ-

ଧାନ ଆଉ କ୍ଷେତ ।


ଧାନରୁ ଆ'କାର (ଆୟତ୍ତ) କାଢ଼ିନେଲେ 'ଧନ'

ଯେଉଁ ଧନ ରଙ୍ଗ ଭରିପାରେ

ଦାମ ବୁଣିଥିବା କିଛି ସ୍ବପ୍ନରେ

ଦାମ ନିଗାଡ଼ି ଥିବା ଲୁହଲହୁର ପରିଣାମରେ ।


ପୁଣି କ୍ଷେତରୁ ଏ'କାର ଛାଡିଦେଲେ 'କ୍ଷତ'

ଯେଉଁ କ୍ଷତ ସାଜିଯାଏ ଗୋଟେ ଅଜାଗା ଘା'

ଯା'କି ଦେଖି ହୁଏନାହିଁ କି ଦେଖେଇ ହୁଏନାହିଁ ।


ଏଇ ଯଉ ତିନିବର୍ଷ ହେଲା ଫସିଯାଇଛି ଦାମ

ଅଭିମନ୍ୟୁ ପରି ଚକ୍ରବ୍ୟୁହରେ

ପାଣିପାଗ , ସରକାର୍ ଆଉ ଗାଁ ମହାଜନ ଭିତରେ ।


ସେ ଥିଲା ଦ୍ୱାପର ଯୁଗ 

ଯହିଁ ଥିଲେ ସ୍ୱୟଂ ଭଗବାନ ଶ୍ରୀ କୃଷ୍ଣ

ପିତା ରୂପେ ଗାଣ୍ଡିବଧାରୀ ଅର୍ଜୁନ

ମାତା ରୂପେ ଦ୍ରୋପଦୀ

ଯା'ପାଇଁ ମିଳିଥିଲା କୋଟି ବସ୍ତ୍ର ।


ଏଠାରେ କିଏ ଅଛି ଯେ ?

ନାହିଁ ଶ୍ରୀ କୃଷ୍ଣ ,ନାହିଁ ଅର୍ଜୁନ 

ନାହିଁ ପୁଣି ମାତା ଦ୍ରୋପଦୀ

ଅଛନ୍ତି କେବଳ କୋଟି କୋଟି କୌରବ...।


ଏଇ ଯଉ ତିନିବର୍ଷ ହେଲା ଫସିଯାଇଛି ଦାମ

ଅଭିମନ୍ୟୁ ପରି ଚକ୍ରବ୍ୟୁହରେ

ଇନ୍ଦ୍ରଜାଲ , ସରକାର୍ ଆଉ ଗାଁ ମହାଜନ ଭିତରେ ।


ନା ଏଠାରେ ଅଛି-

   " ଧର୍ମର ଜୟ"

ନା " କର୍ମର........"


ତା' ବୋଲି ତ ଦାମ ଭୋଇ ଆଜିବି ରହିଛି 

ପୂର୍ବବତ୍ ଋଣୀ , ଦରିଦ୍ର , ନିଃସହାୟ ମଣିଷଟିଏ ହୋଇ...


ବଳବନ୍ତ ସାହୁ (ବବଲୁ)

ଭୂଷଲାର୍ଡ଼ , ସିନ୍ଧେକେଲା, ବଲାଙ୍ଗୀର

ମୋ- 9078105234

ଖବରକାଗଜ ଶବ୍ଦ ରଙ୍ଗ

Rate the content


Originality
Flow
Language
Cover design

Comments

Post


Some text some message..