●ଅସହାୟ ଈଶ୍ଵର●
●ଅସହାୟ ଈଶ୍ଵର●
ଈଶ୍ଵର ବି ଉତ୍ତର ଖୋଜୁଛନ୍ତି
ସେଇ ପ୍ରଶ୍ନର !
ଯୋଉ ପ୍ରଶ୍ନ ପଚାରିଥିଲେ
ଇତିଶ୍ରୀ ,ବେବିନା , ଛବିରାଣୀ
ଆଉ କୁନ୍ଦୁଲି ପିଡିତା ସସ୍ମିତା ,
ସ୍ୱର୍ଗରେ ଥାଇ !
ଆମର ଦୋଷ କଣ ?
ଆମକୁ କାହିଁକି ମାରିଦିଆ ଗଲା ?
ଆମକୁ ମାରିଲା ବେଳେ ଆପଣ ଥିଲେ କୋଉଠି ??
କଣ ବା ଉତ୍ତର ଦେବେ ଈଶ୍ଵର !!
ସେ ତ ଅନ୍ଧ ଆଉ କାଲ
ସେ ତ ମୁକ ଆଉ ବଧିର
ନହେଲେ କଣ ହେଇଥାନ୍ତା
ଏ ନିରୀହ ପ୍ରାଣ ଗୁଡ଼ାକର ବଳତ୍କାର !!
ଏମିତି ହଜାର ହଜାର ବେବିନା
ଲକ୍ଷ ଲକ୍ଷ ଇତିଶ୍ରୀ ଓ
କୋଟି କୋଟି ଛବିରାଣୀ ଜନ୍ମ ନେବେ
ଆଉ ସେମାନେ ବି !
ସମାଜର ଡିମା ଡିମା ଆଖିରେ
ବଳତ୍କାରି ର ଶକ୍ତ ପଞ୍ଝାରେ
ଆହାର ପାଲଟି ଯିବେ ,
ଦେଖୁଥିବ ପ୍ରଶାସନ କିନ୍ତୁ ଚୁପ୍ ରହିବ
ନେତା ଅଫିସର ମାନଙ୍କ ଲାଂଚରେ ,
ଆଉ ବଳତ୍କାରି !! ହୁଁ
ଜୀଅନ୍ତା ଦେହ ଟାକୁ
ବାରମ୍ବାର ପୋଷ୍ଟମୋଟମ୍ କରିଚାଲିବ ନିର୍ଭୟରେ
କାରଣ ତାକୁ କୁ ବି ଜଣା
ଏବେ ଈଶ୍ଵର ଅସହାୟ !!!
ଯୋଉଠି ଈଶ୍ୱର ଅସହାୟ
ସେଠି ଏ ପ୍ରଶାସନ ବା କଣ କରିବ !!
ଏବେ ଖାଲି ଦେଖିବାର ପାଳି
ନୂଆ ବେବିନା ,ନୂଆ ଇତିଶ୍ରୀ
ନୂଆ ଛବିରାଣୀ ଆଉ ନୂଆ ସସ୍ମିତା ଙ୍କ
ଅନିଚ୍ଛା ମୃତ୍ୟୁ ।