ମୃଣାଳିନୀ
ମୃଣାଳିନୀ
ସପନ ପଲଂକେ ତୁମେ ରାଜଜେମା
ସପନର ପାରିଜାତ,
ସପନ ବେଦୀରେ ତୁମେ ମୃଗତୃଷ୍ଣା,
ସପନର ଐରାବତ ॥
ସପନ ନିଳୟେ ତୁମେ ହୃଦିପଦ୍ମା
ସପନ ସାଗର ମୁକ୍ତା,
ସପନ ଝରରେ ତୁମେ ସ୍ରୋତସ୍ୱିନୀ
ସପନ ଫୁଲ ଫଳିକା ॥
ସପନ ନିଦ୍ରାରେ ତୁମେ ଶକୁନ୍ତଳା
ସପନର ତରଂଗିଣୀ,
ସପନ ଶେଯରେ ତୁମେ ମଦାଳସୀ
ସପନ ପ୍ରେମ ରାଗିଣୀ ॥
ସପନ ସରଗେ ଫୁଲେଇ ଚନ୍ଦ୍ରମା
ସପନର ସନ୍ଧ୍ୟାତାରା,
ସପନ ତୋଡାରେ ବାସନା କେତକୀ
ସପନ କୁଂଜରେ ରାଧା ॥
ସପନ ପର୍ବତେ ତୁମେ ରମାଦେବୀ
ସପନ ଶେଫାଳୀ ତୁମେ,
ସପନର ଦିବ୍ୟ ରାଜବାଟିକାରେ
ସପନ ଭ୍ରମରୀ ନାମେ ॥
ସପନ ମନ୍ଦିରେ ତୁମେ ପୂଜାରିଣୀ
ସପନର ମୟୂରାକ୍ଷୀ,
ସପନ ବୀଣାରେ ସ୍ୱରର ଝଂକାର
ସପନର ଶୁଭାକାଂକ୍ଷୀ ॥
ସପନର ମୋର ପୀରତି ବଳୟେ
ସପନ କାମିନୀ ମୋର,
ସପନର ତୁମ ପୀରତି ମଦିରା
ସପନେ ବିନ୍ଧୁଛ ଶର ॥
ସପନର ଚିର କାମ ବହ୍ନି ପରେ
ସପନ ସଳିତା ଜାଳି,
ସପନ ଆଖିରେ ପୁଳାଏ ସପନେ
ମୋତେ ଦେଉଅଛ ଜାଳି ॥
------ଗୈାରାଂଗ ଚରଣ ବେଉରା------
-----ଶିକ୍ଷକ,କୁଲିଆମାଲ ଉଚ୍ଚ ବିଦ୍ୟାଳୟ----