Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Bijaya Ketan Sahu

Others

3  

Bijaya Ketan Sahu

Others

ମହାଚୋର

ମହାଚୋର

1 min
6.8K


ସଖି ! ବାରେ ଚାହାଁ ଅପୂର୍ବ ଏ ଦୃଶ୍ୟ

ପହଣ୍ଡି ବିଜେ କାଳିଆ

ମହା ଚୋର ବୋଲି ବାନ୍ଧି ଆଣୁଛନ୍ତି

ପଣ୍ଡା ପଡ଼ିହାରୀ ଆହା (ଘୋଷା)

ବୃନ୍ଦାବନେ ଚୋରି କରିଥିଲା ସେ' ତ

କ୍ଷୀର ସର ଦଧି କେତେ

ନଟଖଟିଆ ସେ, କୂଟ-କପଟିଆ

ପିଲାଟି ବେଳରୁ ସତେ

ମାତା ଯଶୋମତୀ ଆକଟ ନଶୁଣେ

ଏଡିକି ସେ ଆମାନିଆ

ସଖି ! ବାରେ ଚାହାଁ... (୧)

ଚୋରି କରିଥିଲା ଗୋପାଙ୍ଗନା ବସ୍ତ୍ର

ରାଧାର ମାନ-ମହତ

ନିରବେ ବସିଛି ନଜାଣିଲା ପରି

ନୀଳାଚଳେ ଜଗନ୍ନାଥ

ଅଣ୍ଟାରେ ଯେ ଆଣ୍ଟ ଦଉଡ଼ିକୁ ବନ୍ଧା

କାହିଁ ଯିବ ରସିକିଆ

ସଖି ! ବାରେ ଚାହାଁ.....(୨)

ଚୋରି କରେ ସେହି ଭକତଙ୍କ ଚିତ୍ତ

ଦୁଃଖ ଭୟ ଅଭିମାନ

ଚୋର ବୋଲି ତା'କୁ ଜଗତେ ଖୋଜନ୍ତି

କେତେ ତପୀ-ମୁନି ଜନ

ଭାବରେ ଯେ ବନ୍ଧା ପଡ଼ିଅଛି ଆଜି

ଭକ୍ତ-ଭାବ ବିନୋଦିଆ

ସଖି ! ବାରେ ଚାହାଁ...(୩)

ବନ୍ଧାହୋଇ ପୁଣି ଲାଜ ନାହିଁ ତାକୁ

ହସେ ସେ ତ ଖିଲିଖିଲି

ଭକ୍ତ-ଜନଗଣ ଗାଳି କରୁଛନ୍ତି

ସେ'ଯେ ମହାଚୋର ବୋଲି

ହୃଦ-କାରାଗାରେ ବନ୍ଦି କର ତା'କୁ

ବୁଝିବ ଯଦି ତା' ମାୟା

ସଖି ! ବାରେ ଚାଁହା.... (୪)

ମହାଚୋର ରୂପେ ରୁନ୍ଧାହେବ ସେ'ଯେ

ନନ୍ଦିଘୋଷ ରଥେ ଯାଇ

ଜଗଜ୍ଜନ ସତେ ହୋଇବେ ଆନନ୍ଦ

ସେ ମହା ଚୋରକୁ ପାଇ

ମୋ ମନକୁ ଚୋରି କରିଛି ସେ ଚୋର

ଚାହିଁ ବସିଛି ତା' ରାହା

ସଖୀ ! ବାରେ ଚାଁହା....(୫)


Rate this content
Log in