କି ଗୁଣ ଆ'ପାଶେ ଦିଶିଲା
କି ଗୁଣ ଆ'ପାଶେ ଦିଶିଲା
ହେଇଟି କହ୍ନେଇ ଆସିଲା ,
ଦରଜାରେ ମୁହଁ ଦିଶିଲା-
ମୁରୁକି ମୁରୁକି ହସିଲା ,
ଅଣ୍ଟାରେ ଗାମୁଛା ଖୋସିଲା ;
ସଖାମେଳେ ମିଶି,ଲୁଚିଛପି ଆସି-
ଲଳିତାର ଘରେ ପଶିଲା ।(୦)
ଦେଖିଦେଲା ବୋଲି ଜଟିଳା ମାଉସୀ ,
ତା' ଘରକୁ ଆଉ ପାରିଲାନି ପଶି ।
ତରତର ହୋଇ ପଳାଇଲା ଖସି
ମିଛେ ଖୁଉଁ ଖୁଉଁ କାଶିଲା ।(୧)
ହେଇଟି କହ୍ନେଇ ଆସିଲା ,
ଦରଜାରେ ମୁହଁ ଦିଶିଲା...
କେଡ଼େ ଛନ୍ଦ ଇଏ ଜାଣିଛି ଲୋ ସହି ,
କହିଲେ ତା' ଗୁଣ ରାତି ଯିବ ପାହି ।
ତଥାପି କେମିତି ମନ ନିଏ ମୋହି
କି ଗୁଣ ଆ' ପାଶେ ଦିଶିଲା ।(୨)
ହେଇଟି କହ୍ନେଇ ଆସିଲା ,
ଦରଜାରେ ମୁହଁ ଦିଶିଲା-
ମୁରୁକି ମୁରୁକି ହସିଲା ,
ଅଣ୍ଟାରେ ଗାମୁଛା ଖୋସିଲା :
ସଖାମେଳେ ମିଶି,ଲୁଚିଛପି ଆସି
ଲଳିତାର ଘରେ ପଶିଲା ।
ହେଇଟି କହ୍ନେଇ ଆସିଲା...।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।