ଜୀବନ ଦାନ

ଆସ ଆସ ସର୍ବେ ଆଜି ଆସ ହେ ବାହାରି

ଦୀପ କାଳେ ଲିଭିଯିବ ହୋଇଯିବ ଡେରି ||

ଜୀବନ ମାଗୁଛି ଭିକ କେଇବୁନ୍ଦା ଜୀଇବାର ଯୁ

ପୀଡିତ ବ୍ୟଥିତ ପ୍ରାଣେ କିଛି ନୂଆ ସପନର ଢେଉ ଖେଳିଯାଉ ||

ସଜ ଫୁଟା ଫୁଲ ପରି ପବନରେ ବାସ୍ନା ବୁଣି ଦେଇ

ଦାନର ମହିମା ଗାଉ ଦାନ ପାଇଁ ମଣିଷକୁ ସଧ୍ୟରେ ଚେତାଇ ||

ଦେଶ ପାଇଁ ଜାତି ପାଇଁ ସୈନିକ ଯେ ରକ୍ତ ଦିଏ ଢାଳି

ଶ୍ରମିକ କୃଷକ ପୁଣି କେତେ ଫୁଲ କେତେ ପୁଣି କଳି ||

ଅସମର୍ଥ ଅସହାୟ କେତେ କେତେ ପୁଣି ଦୀନଦୁଃଖୀ

କେତେ ମା’ କେତେ ପୁଅ କେତେ କେତେ ଲୁହ ଭିଜା ଆଖି ||

ଦାନରେ ରହିବ ପ୍ରାଣ ରକତରେ ଥିବ ତୁମ ନାଆ

ସତରେ ରକତ ଦାନ କି ପବିତ୍ର କି ମହାନ ଆହା ||

ଏ ରକ୍ତ ଗାଇବ ବେଦ ମାନବ ଓ ମାନବିକତାର

ରକତ ଦାନରେ ସଦା ଶୁଭୁଥିବ ସୃଷ୍ଟିର ଓଁକାର ||