ସ୍ୱୀକାରୋକ୍ତି
ସ୍ୱୀକାରୋକ୍ତି
1 min
6.5K
ସ୍ୱୀକାରୋକ୍ତି
ପ୍ରମୋଦ ପ୍ରଧାନ
ଜୀବନ ବି କଟିଯାଏ ସମ୍ପର୍କର
ମରୁ ଚିହ୍ନ କୋଷରେ
ମରୀଚିକା ଶୋଷରେ
ଶୋଷି ଶୋଷି ମରମକୁ
ପେଷି ପେଷି ସୁହାଗର ସରମକୁ
ଆୟୁଷ ବି ସରିଆସେ
ମରିଯାଏ ମନ ଆଶାରେ ଆଶାରେ ।
ଅପାସୋରା ସବୁ ସେଇ
ମୁହୂର୍ତ୍ତ ମୁହୂର୍ତ୍ତ ବୃତାନ୍ତ
ବୃନ୍ତହୀନ ପୁଷ୍ପ ବୁଝେ କି ସମ୍ପର୍କର କଥା ?
ମରୁମାୟା ଚକ୍ରାନ୍ତରେ ସେ ତ ଆକ୍ରାନ୍ତ
ଆଉ ଭାବଭଙ୍ଗୀ ବିହୁନେ ତଳିତଳାନ୍ତ ।
ତୁଳାଭିଣା ଅନ୍ତର୍ଦାହରେ
ଜିଇଁଯିବା କାହାପାଇଁ, ଖାଲି ଗୋଟେ ଚୁକ୍ତି
ନିଃଶ୍ୱାସ ବି ଖୋଜେ ବିଶଲ୍ୟକରଣୀ
ବିଷର ପୁଷ୍କରିଣୀରେ...
ଜୀବନଟା ଗୋଟେ ସ୍ୱୀକାରୋକ୍ତି ।
ଫ୍ରେଣ୍ଡସ୍ କଲୋନୀ, କଟକ
ଫୋନ : ୯୪୩୭୧୮୨୭୮୫
*****