ସମୟ ବଡ଼ ମୂଲ୍ୟବାନ

ସମୟଟା ଅଟେ ଭାରି ମୂଲ୍ୟବାନ

ଅପେକ୍ଷା କରେନି କାହାକୁ

ସେହି ସମୟକୁ ନଷ୍ଟ କରିଦେଲେ

ଆସିବନି ଆମ ପାଖକୁ ।

ପଢ଼ାବେଳେ ଆମେ ପଢ଼ୁଥିବା ନିତି

ପାଠରେ ଯେ ମନ ଦେଇକି

ଖେଳ ବେଳେ ପୁଣି ଖେଳୁଥିବା ଆମେ

ସାଙ୍ଗ ସାଥି ସବୁ ହେଇକି ।

ଖାଇବା ପିଇବା ସମୟେ କରିଲେ

ରୋଗ ବଇରାଗ ହେବନି

ସମୟେ ଶୋଇକି ସମୟେ ଉଠିଲେ

ଅଳସଟା ପାଖ ମାଡ଼େନି ।

ଧ୍ୟାନର ସହିତ ଶୁଣୁଥିବା ଯଦି

ପଢେଇଲା ବେଳେ ଶିକ୍ଷକ

ପାଠ ରହିଯିବ ମନରେ ଆମର

ହେବା ନାହିଁ ଜମା ମୁରୁଖ ।

ସମୟ ସାଥିରେ କାମ କରି ଆମେ

ଚାଲୁଥିଲେ ତାଳ ଦେଇକି

ସମୟ ବି ଆମ ସାଥି ହୋଇଯିବ

ଚାଲୁଥିବ ସାଥେ ନେଇକି ।

ମୋ ପାଖେ ସମୟ ନାହିଁ ବୋଲି ପୁଣି

ଭାବିବାନି କେବେ ଜୀବନେ

ସମସ୍ତଙ୍କ ପାଇଁ ସମୟ ସମାନେ

ଏ କଥାକୁ ରଖିବା ମନେ ।