ଚକ୍ରବ୍ୟୁହରେ ପ୍ରେମିକା - ୫
ଚକ୍ରବ୍ୟୁହରେ ପ୍ରେମିକା - ୫
ମୋତେ ସବୁବେଳେ
ଏମିତି ନିଆଁରେ ଫିଙ୍ଗି
ତମେ ଏତେ ଖୁସି
ହୁଅ କେମିତି ?
ସତରେ ଖୁବ୍ କଷ୍ଟ
ଦେଇ ଚାଲିଛ
ଏ ଜୀବନରେ
ସେ ସବୁ ତ ମୋ
ଭାବନାର ବାହାରେ ।
ମୁ୍ଁ ତ କୌଣସି
ଛନ୍ଦ କପଟ ଜାଣିନି
ସେଥିରେ ବିଶ୍ୱାସ ବି କରେନି ।
ତମେ କିନ୍ତୁ ପୁରା ଓଲଟା
ସବୁବେଳେ ତର୍କ
ବୁଝି ନ ବୁଝିବାର
ଛଳନା କରି
ମୋ ହୃଦୟକୁ କ୍ଷତାକ୍ତ
କରି ଚାଲିଛ ।
କେବେ ତମର ସେଇ
ଶବ୍ଦର ଜାଲ ସବୁ
ମୋ ଆଖିକୁ ଖୁବ୍
ଓଦା କରୁଥିଲେ ।
ମନା କରୁନି ଏବେ ବି
କିଛି ଭିନ୍ନତା ଅଛି
କିନ୍ତୁ କିଏ ଜାଣେ
ଆଉ କେତେ ଦିନ ପାଇଁ ?
ସତ କହୁଛି
ଏବେ ମୁଁ ଖୁବ୍ କ୍ଲାନ୍ତ
କୋଉ ବିଶ୍ୱାସ ରଖିଲ ଯେ,
ପୁଣି ସେଇ ସବୁ
ଆଘାତ ପାଇବାକୁ ଫେରିବି ?
ଏବେ ତ ଦୃଢ଼
ନିଷ୍ପତିର ବେଳ ।
ହେଲେ ମୁଁ ଠିକ୍ ଜାଣେ
ତମେ ତ ସବୁବେଳେ
ମୋ ଭାବନା ସହ ଖେଳିବାକୁ
ତୟାର ଥିବା ଲୋକ ।
ମୋ ଜୀବନ ପରିଧିରୁ
ଚାଲିଯାଅ ଦୟାକରି
କୌଣସି ସମ୍ପର୍କ ବି
ଦରକାର ନାହିଁ
ଖୁବ୍ କଷ୍ଟ ସତରେ
ଚୁପ୍ ରହିଲେ ବି
କିଛି କହିଲେ ବି !!!
ପ୍ରଶାନ୍ତ କୁମାର ବେହେରା
ଅଧ୍ୟାପକ , ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ, ଜଗତସିଂହପୁର ।
ଦୂରଭାଷ - ୯୪୩୭୧୩୫୯୧୬