ରଙ୍ଗମଞ୍ଚର ଭଲପାଇବା

ମୁଁ କହିଲି,

ଭଲ ଲାଗେ ତୁମ ଭଲପାଇବା

ଆଉ ତୁମ ମୃଗନୟନରେ ଚାହିଁବା,

ଭଲ ଲାଗେ ତୁମ ଲାଲ ଓଠର ହସ

ପୁଣି ନୂଆ ନୂଆ ମନଛୁଆଁ ବେଶ ।

ଭଲ ଲାଗେ ତୁମ କଣ୍ଠସ୍ଵର ଆଉ

ରୁମ୍ ଝୁମ୍ ପାଉଞ୍ଜିର ଘୁଙ୍ଗୁର ,

ଭଲ ସାଜୁଥାଏ ତୁମ ଗଭାରେ ମଲ୍ଲୀ ପୁଣି

ବେଶି ଭଲ ତୁମ ରାଜହଂସି ଚାଲି ।

ତୁମେ କହିଲ,

ଧେତ୍ ଭଲ ପାଇବାଟା ମୋ ଛଳନା

ସେ ମୃଗନୟନ ଓ ଲାଲ ଓଠ ଖାଲି ବାହାନା,

ବେଶ ପରା ଯାତ୍ରାପାଟି ମାଲିକର

କଣ୍ଠ ଏ ଆହୁଜା ସିନ୍ଥେ ସାଉଁଜରର ।

ଘୁଙ୍ଗୁରର ମାଲିକ ବା ଏ ରଙ୍ଗଶାଳା

ବୁନ୍ଦାଏ ମନ୍ଦିରାରେ ଏ ପାଦ ଲଙ୍ଗଳା,

ପଚାଶ ଟଙ୍କା ପାଇଁ ଆଠ ଘଣ୍ଟାର ଦର୍ଶକ

ଯାତ୍ରା ନାୟିକା ମୁଁ ପ୍ରେମ ମୋର ମାତ୍ର ଘଡିକ ।