Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sridhar Patnaik

Others

3  

Sridhar Patnaik

Others

କର୍ଣ୍ଣ

କର୍ଣ୍ଣ

1 min
6.6K


।। କର୍ଣ୍ଣ ।।

ହେ କୃଷ୍ଣ କାରୁଣିକ

କୁହ ଥରେ ଖାଲି

ମୋ ଜନ୍ମର ଉଦ୍ଦେଶ୍ୟ,

ନୁହେଁ କି ଏ ବିଡମ୍ବନା ;

ସୁତକୋଳେ ବଢେ କାହିଁ ସୂର୍ଯ୍ୟଙ୍କ ଔରସ !

କେବେ ସାଜେ ରାଧେୟ ତ କେବେ କୌନ୍ତେୟ

ମାତା କୁନ୍ତୀ ଦ୍ୟନ୍ତି ପରିଚୟ

ପାଣ୍ଡବଙ୍କ ଲାଗି ବୋଧେ ବୃଥା ଅଭିନୟ ;

ନୁହେଁ କି ଏ ବିଚିତ୍ର ପରୀକ୍ଷା

ମାପିବାକୁ କିବା ମୋର ଜୀବନ ତିତିକ୍ଷା !

ରାଧେୟ ମୁଁ,

ରାଜପୁତ୍ର ଯେବେ କରନ୍ତି ଭର୍ତ୍ସନା

ଦୁର୍ଯୋଧନ ଦିଏ ମୋତେ ଫମ୍ପା ଆଶ୍ୱାସନା

ଅଙ୍ଗଦେଶ ପାଟ ଦେଇ କରେ ସମ୍ବର୍ଦ୍ଧନା  

ଆଜୀବନ ଅଧର୍ମା ମୁଁ

ହୁଏ ଆନମନା !

ସଂପୂର୍ଣ୍ଣ ସଂଜ୍ଞାନେ ଯେବେ

ଯୁଦ୍ଧେ ପରାଜିତ ପାଣ୍ଡବଙ୍କ ଉଲ୍ଲାସ ମୁଁ ଦେଖିଛି ସମସ୍ତ,

ଅର୍ଜୁନର ତିରସ୍କାର ଅଙ୍ଗେ ନିଭାଇଛି

କିଏ ଜାଣେ ଆତ୍ମହତ୍ୟା କର୍ଣ୍ଣ ଯେ ଲଭିଛି !

କୁହ କୃଷ୍ଣ

କୁହ ମୋର ଜନ୍ମର ଉଦ୍ଦେଶ୍ୟ

ସ୍ୱାର୍ଥସିଦ୍ଧି ଯଜ୍ଞେ ମୁହିଁ ସତେ କି ସମିଧ,  

ମହାଯୋଦ୍ଧା କର୍ଣ୍ଣ ଯେବେ ହୁଏ ଉପେକ୍ଷିତ

ଅବୈଧ ଜନ୍ମିତ ଅପ- ମାନେ ଜର୍ଜରିତ;

ତେବେ କୁହ ଆହେ କୃଷ୍ଣ

ରାଧାଙ୍କର ରାଣ

କଳିଯୁଗ କର୍ଣ୍ଣ କେବେ କିବା ପାଇବ ସମ୍ମାନ !!!

ଶ୍ରୀଧର ପଟ୍ଟନାୟକ, ଡାକଘର ଗଳି , କଲ୍ୟାଣସିଂହପୁର ଜି : ରାୟଗଡ


Rate this content
Log in