ସେଦିନର ପଥିକ ମୁଁ
ସେଦିନର ପଥିକ ମୁଁ
1 min
13.2K
ସେଦିନର ପଥିକ ମୁଁ
ଆଭାକାନ୍ତ ମହାନ୍ତି
ସେଦିନର ପଥିକ ମୁଁ
ଥକିଗଲି ସଞ୍ଜବେଳେ,
ଖୋଜିଲି ଆସରା ଟିକେ
ତୁମ ହୃଦ-ପାନ୍ଥଶାଳେ । ୦ ।
କବାଟ ଖୋଲି ସ୍ୱାଗତେ
କହିଲ ଭିତରେ ଆସ,
ସେଦିନ ବିଭୋର ମନ
ରଖିଲା ସପନେ ଆଶ,
ମାଗିନେଲ ଚୁମାଟିଏ
ମୋ ସ୍ଥିତିର ସ୍ମୃତି ଛଳେ । ୧ ।
ନିରିମଳ ହୃଦେ ମୋର
ଆଶା-ମଞ୍ଜି ଦେଲ ବୁଣି,
ଜୋଚ୍ଛନାକୁ ସାକ୍ଷୀ ରଖି
ମାନିଲ ହେବ ମୋ ରାଣୀ,
ଆଜି ଖାଲି ରାତି ଅଛି
ନାହିଁ ଜହ୍ନ ନଭ କୋଳେ । ୨ ।
ନୂଆସାହି, ବିଡ଼ାନାସୀ, କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****