Audio

Forum

Read

Contests

Language


Write

Sign in
Wohoo!,
Dear user,
ଲିଭାଅ ଆୟୂଷ ଦୀପ
ଲିଭାଅ ଆୟୂଷ ଦୀପ
★★★★★

© SRINIBASH BISWAL

Others

1 Minutes   6.7K    6


Content Ranking

ଆକୁଳ ଚିତ୍ତରେ ତୁମକୁ କାହିଁକି

ଗୁହାରୀ କରିବି ସଖା,,,

ଜୀବନଟା ସାରା ହାରିବାକୁ ଯଦି

ମୋ ଭାଗ୍ୟରେ ଅଛି ଲେଖା !!୧!!

ଏଇ ଜନମରେ କେବେ କରିନାହିଁ

କାହାର କିଛି ଅନିଷ୍ଟ,,

ଜାଣେନା ହେ ପ୍ରଭୁ କୋଉ ଜନ୍ମପାଇଁ

ପାଉଛି ଏତେ ମୁଁ କଷ୍ଟ,,!!୨!!

ପ୍ରତି ମୁହୂର୍ତ୍ତରେ ଇଚ୍ଛାର ସମାଧି

କେମିତି କୁହ ସହିବି,,

ଲୁହର ଦୀପାଳି ଜାଳି ଜାଳି ଦିନେ

ଦୁନିଆରୁ ଚାଲିଯିବି,,!!୩!!

ଆର ଜନମକୁ ପଶୁ ପକ୍ଷୀ ଅବା

ପତଙ୍ଗ କରିବ ବାଛି,,

ସୁଖ ଦୁଃଖ ଆଉ ଆଶା ଅଭିଳାଷ

ଜାଣି ପାରିବିନି କିଛି,,!!୪!!

ମଣିଷଟେ ବୋଲି ଅହରହ ଚେଷ୍ଟା

ଟିକିଏ ଜିତିବା ଲାଗି,,

ଶିଖର ଛୁଇଁବା ଦି ପାଦ ଆଗରୁ

ଗୋଡ ମୋ ଯାଉଛି ଭାଙ୍ଗି,,!!୫!!

ଭଙ୍ଗା ହୃଦୟରେ ଜମାଟ ବାନ୍ଧୁଛି

ବହଳ ବହଳ କୋହ,,

ତଥାପି ଅପ୍ରାପ୍ତ ଅଲଙ୍ଘ୍ୟ ପଥରୁ

ତୁଟୁନି କାହିଁକି ମୋହ,,!!୬!!

ଏମିତି ଜୀବନ ଜୀଇଁବା ଅପେକ୍ଷା

ମରିଯିବା ବରଂ ଭଲ,,

ମୃତ୍ୟୁ ପରେ ବୋଧେ ନଥିବ ଯନ୍ତ୍ରଣା

ହେବିନି ମୁଁ କଲବଲ,,!!୭!!

କରିଦେବ କ୍ଷମା ଜ୍ଞାତ ଅଜ୍ଞାତରେ

କରିଥିବି ଯଦି ପାପ,,

ଏତିକି ମିନତୀ ରଖ ମହାବାହୁ

ଲିଭାଅ (ମୋ) ଆୟୂଷ ଦୀପ,,!!୮!!

*ସମାପ୍ତ*

*ଶ୍ରୀନିବାସ ବିଶ୍ଵାଳ*

ଗୁହାରୀ ଦୀପାଳି ଯନ୍ତ୍ରଣା

Rate the content


Originality
Flow
Language
Cover design

Comments

Post


Some text some message..