ମୋ ଗାଁରେ ଶୀତ ସକାଳ

ଶୀତ ଆସିଲା ପରେ 

ମୋ ଗାଁର ସକାଳ 

ନିଆରା ନିଆରା ଲାଗୁଛି ।

ରାସ୍ତା କଡରେ ନିଆଁ ଲଗେଇ

ତାର ଚାରି ପାଖରେ

ବସି ଯାଉଛନ୍ତି ପିଲାଠାରୁ

ବୁଢା ପର୍ଯ୍ୟନ୍ତ ।

ଘାସ ଉପରେ ପଡିଥିବା

କାକର ବିନ୍ଦୁ ଗୁଡିକ

ସତେ ଯେମିତି ମୁକ୍ତା ସମ

ଝଲସି ଯାଉଛି ।

ଅନ୍ଧାର ପରି ମାଡି ଆସୁଥିବା

କୁହୁଡିକୁ ଯେବେ ସୂର୍ଯ୍ୟଙ୍କର

ପ୍ରଥମ କିରଣ ସ୍ପର୍ଶ କରୁଛି

ଏକ ଅତୀବ ମନୋରମ

ଦୃଶ୍ୟର ପ୍ରତିଫଳନ

ଧରଣୀ ପୃଷ୍ଟକୁ ମିଳି ଯାଉଛି ।

ଶୀତ ସକାଳର ସୁଲୁ ସୁଲୁ ବାଆ

ଦେହରେ ଖେଳାଇ ଦେଉଛି

 ଏକ ମିଠା ଶିହରଣ ।

ଗଛର ପତ୍ରରୁ ଟିପ ଟିପ୍

ହୋଇ ଝରି ପଡୁଥିବା

କୁହୁଡ଼ିର ଟୋପା

ମନକୁ ମତୁଆଲା କରି ଦେଉଛି ।

   

ପ୍ରଶାନ୍ତ କୁମାର ନାଥ

ସୁନ୍ଦରପୁର,ଉତ୍ତରକୂଳ ହାଟ, ପ୍ରୀତିପୁର,ଯାଜପୁର