ଜହ୍ନକୁ ମାଗିଲି ଚିରୁଡାଏ ହସ
ଜହ୍ନକୁ ମାଗିଲି ଚିରୁଡାଏ ହସ
ଜହ୍ନକୁ ମାଗିଲି ଚିରୁଡାଏ ହସ
ଜହ୍ନ କହିଦେଲା ଯାଆ,
କଂକ୍ରିଟ୍ ଜଙ୍ଗଲ ପଛରେ କେଉଁଠି
ଯାଇଅଛି ଲୁଚି ଜାଣେନା,
ଖୋଜି ଖୋଜି ନେଇ ଆ.................
ନଈକୁ ମାଗିଲି ସାଗର ଠିକଣା
ନଈ କହିଦେଲା ମୋତେ କିବା ଜଣା
ପଥ ଖୋଜି ଖୋଜି ବୁଦ୍ଧି ଯାଏ ହଜି
ନିଷ୍ଠୁର ଏ ଜନ କରିଅଛି ବଣା...........
ପଥକୁ କହିଲି ଦେଖା ମୋତେ ପଥ
ସେ ପଥେ ଚାଲିବି ମିଳେଇ ମୁଁ ପାଦ
ପଥ କହେ ଫେରି ଯାଆ
ଅବନ୍ଧୁ ଜୀବନ, ସ୍ୱାର୍ଥପର ମହୀ
ରଖିଅଛି ଖାଲି ମଉଳା ବିଷାଦ...........
ଶେଷରେ କହିଲି ହେ ଠାକୁର!
ଏ ମଣିଷକୁ ଟିକେ ସୁଧାର
ଠାକୁର କହିଲେ ଅସହାୟ ମୁଁ ଯେ
ମୋ ନାମେ ଚାଲିଛି ଘୋଡା ବେପାର......