Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Shiba Charan Mahapatra

Romance

3  

Shiba Charan Mahapatra

Romance

ଆସ ଗୋ ମାନିନୀ

ଆସ ଗୋ ମାନିନୀ

1 min
401


ମରୁବାଲି ପରେ ତପ୍ତ ବାଲୁକା ମୁଁ

ତୁମେ ବୁନ୍ଦେ ପ୍ରୀତି ବାରି

ନିଦାଘ ଜ୍ଜଳନ ହୃଦୟକୁ ଚିରି

ଆସିଯାଅ ଥରେ ଝରି ।


ଫେରିବ ବୋଲି ତ ତୁମ ପଥ ଚାହିଁ 

ସାଜିଛି ଗୋଲାପି

ଲୁଚେଇ ଦେଇଛି ଅଦେଖା ଯନ୍ତ୍ରଣା 

ସହିଥିଲା ଯାହା ଛାତି ।


ତୁମ ଆଗମନେ ରିକ୍ତ ଶୋଣିତ 

ଭାଙ୍ଗିଦେବ ମନସ୍ତାପ 

ଭିଜାଦେହ ବାସ୍ନା ମହକି ଉଠିବ

ଯେହ୍ନେ ବାସ୍ନାୟିତ ଧୂପ ।


ପ୍ରଶାନ୍ତି ଚିତ୍ତରେ ତୁମ ସ୍ନେହ ପ୍ରେମ 

ଅଙ୍ଗେ ଅଙ୍ଗେ ଯିବେ ଲାଖି

ନଇଁଯିବେ ଫୁଲ ଲାଜରେ ଲାଜରେ

ତୁମ ରୂପ ରଙ୍ଗ ଦେଖି ।


ଝରିଯିବ ମଧୂ ମନ କଦମ୍ବରୁ 

ଯମୁନା ଯିବ ଚହଲି

ଲେଖନୀ ଶବଦ ଜୀବନ୍ଯାସ ପାଇ

କବିତା ପଡିବେ ଝୁଲି ।


ସାତପର ଲାଗେ ଏ ସାରା ଦୁନିଆ

ତାରା ଭରା ଜହ୍ନରାତି

ତୁମେ ଏକା ଲାଗ ନିଜଠୁ ନିଜର 

ଆପଣାର ତୁମ ପ୍ରୀତି ।


ଆସ ଗୋ' ମାନିନୀ ଅବଶ ଯାମିନୀ 

ଉଛୁର ହେଲାଣି ମନ

କେତେଦିନ ଆଉ ଜହ୍ନ ଆଲୁଅରେ 

ଭିଜିବ ଦେହ ଦହନ ।


Rate this content
Log in