Audio

Forum

Read

Contests

Language


Write

Sign in
Wohoo!,
Dear user,
ପ୍ରଭୁ, ତୁମେ ନିଜେ ଅସହାୟ !
ପ୍ରଭୁ, ତୁମେ ନିଜେ ଅସହାୟ !
★★★★★

© Hrushikesh Satpathy

Others

1 Minutes   6.9K    5


Content Ranking

ବିପଦରେ ଯେବେ ଅସହାୟ ହୋଇ

ବିକଳରେ ଖୋଜେ ତୁମ ଆଶରା ।

ମୋ'ଆରତ ଡାକ ଶୁଣି ତୁମେ ପ୍ରଭୁ

ମଉନରେ ହସୁଥାଅ ଅସରା ।

ହାତ ଯୋଡି ଯୋଡି ମୁଣ୍ଡ ପିଟି ପିଟି

ବଖାଣୁ ଥାଏ ମୋ' ଦୁଃଖ କାହାଣୀ।

ତଥାପି ଟିକିଏ ଦରଦ ଦେଖେନି

ତୁମରି ଆଖିରେ ଝରେ ନା ପାଣି ।

ମନେ ମନେ ଭାବେ ଜଗତ ଆଖିରେ

ତୁମେ ସାଜିଅଛ ସ୍ୱୟଂ ଠାକୁର ।

ତଥାପି ତୁମର ହୃଦୟରେ ଖାଲି

ଭରି ରହିଅଛି ନିଦା ପଥର ।

କାହିଁକି କେଜାଣି ବାଇଶି ପାହାଚେ

ଦିନ ସାରା ଆଜି ବସି ରହିଲି ।

ଯେତେ ଯାହା ହେଉ ତୁମରି ଶ୍ରୀ ମୁଖ

ଅପଲକେ ଟିକେ ଦେଖିବି ବୋଲି ।

ଯାହା ମୁଁ ଦେଖିଲି ଭାବି ମୁଁ ନଥିଲି

ପରତେ ନ ଗଲା ମୋ' ଦୁଇ ଆଖି ।

ଏତେ ନିଃସହାୟ, ଏତେ ଅସହାୟ

ନିଜେ ତୁମେ ପ୍ରଭୁ, ନୟନ ସାକ୍ଷୀ ।

ସହସ୍ର ସନ୍ତାନ ତୁମରି ଆଗରେ

ଭୋକ ଉପାସରେ ସଂଗ୍ରାମ ରତ ।

ଜଗତ ପାଳନ ତୁମରି ଧରମ

ଜାଣି ଶୁଣି ତୁମେ ନୀରବ ସତ।

ନିଜ ଆଖି ଲୁହ ଗଡେଇବା ପାଇଁ

ଶ୍ରୀ ପାହାଚେ ତୁମ ଆଶରା ନାହିଁ।

ମୋ'ଆଖି ଲୁହକୁ ଧୋଇବାର ପାଇଁ

କିପାଇଁ ଭାବିବି କଳା ଗୋସାଇଁ !

ଅସହାୟ ତୁମେ ପ୍ରଭୁ

Rate the content


Originality
Flow
Language
Cover design

Comments

Post


Some text some message..