ସମୟ
ସମୟ
ସମୟ
ରାଜେଶ କୁମାର ଜୈନ୍ (ଶାନ୍ତିରାଜେଶ)
ସମୟ ନାହିଁ ଖାଇବାକୁ ଜହର
ମିଛସତ କହି କରୁଛେ ପ୍ରଚାର ।
ସମୟର ହୁଏ ଯଦି ପ୍ରତିଯୋଗିତା
ଆମେ ହେବା ବିଶ୍ୱବିଜେତା ।
ଗପି ଗପି ଯାଏ ରାତିଦିନ
ଆମଠାରୁ ବଡ଼ କିଏ ହୀନିମାନ ?
ସମୟର ସବୁବେଳେ ଦେଇ ଦ୍ୱାହି
ମିଛ ମାୟାରେ ହେଉଛେ ବାଇ ।
ଦ୍ୱିପ୍ରହରେ ଖାଇକରି ଯାଉ ଶୋଇ
ଜନସଂଖ୍ୟା ବୃଦ୍ଧିରେ ପ୍ରତିସ୍ପର୍ଦ୍ଧା କରଇ ।
ଖୋଜୁଥାଉ କ୍ୟାଲେଣ୍ଡରରେ ଛୁଟି
ସରକାରୀ ଅଫିସରେ ଜମେ ଖଟି ।
ହାଟରେ ଜୀବନ ଦେଇ ଲଢ଼େ ଗଞ୍ଜା
ଗାଁର ସମୟ ଇଜ୍ଜତରେ ଲାଗେ ପଞ୍ଜା ।
ରେଳ ଷ୍ଟେସନରେ ଲାଗେ ମେଳଣ
ଯିବେ ୧, ଛାଡ଼ିବେ ୫ର ନେଇଛୁ ପଣ ।
ଭାଷଣରେ ଭଲ ଲାଗେ ଦେଶର ପ୍ରଗତି
କାହା ଦୋଷ ଦେଇ ଶୋଇଗଲେ ଶାନ୍ତି ।
ଟିଭି, ମୋବାଇଲରେ ସମୟ ହେଉଛି ଘାଣ୍ଟି
ୱାର୍ଡସପ୍, ଇଣ୍ଟର୍ନେଟରେ ଦିନରାତି ଫେଣ୍ଟି ।
ସମୟ ଧନର କେତେ କାରବାର
ଧ୍ୟାନଚାନ୍ଦ, ସଚିନ୍ ନାଆଁରେ ସବୁ ପାର ।
ଗାଁ ଦାଣ୍ଡେ ଜୁଆ ଖେଳି ସମୟ ପାଶ୍
ସରକାରୀ ନାରା : ଏଥର ଗ୍ରାମ୍ୟ ବିକାଶ ।
ଅଗଷ୍ଟ ୧୫, ଜାନୁଆରୀ ୨୬ ସ୍ୱାଭିମାନ ଦିବସ
ବୁଲିବା ପିକ୍ନିକ୍ ଯୋଜନା ଥାଏ ଖାସ୍ ।
ରେଳ ହେଉ ବା ଖେଳ, ସବୁଥିରେ ଲେଟ୍
ଏହି ଜୀବନଧାରାରେ ଭାରତୀୟମାନେ ସେଟ୍ ।
ଆଡଜଷ୍ଟମେଣ୍ଟ ହୋଇଗଲାଣି ଆମ ଥିଓରୀ
କହିଦେଲେ ଗୋଟାଏ ଶବ୍ଦ ସବୁ ଯିବ ସରି – ସରୀ !
ଅପର୍ଣ୍ଣା ନଗର, ଚାଉଳିଆଗଞ୍ଜ, କଟକ-୭୫୩୦୦୪
ଫୋନ୍ : ୯୪୩୭୦୨୦୬୧୮
*****