ବରଷାରେ ପ୍ରିୟା
ବରଷାରେ ପ୍ରିୟା
1 min
6.8K
ଆଜି ବି ମୋ ପ୍ରିୟା କରୁଅଛି ଜିଦି
ଭିଜିବାକୁ ବରଷାରେ
ମନଟା ନାଚୁଛି ଯେବେ ସେ ଦେଖୁଛି
ମେଘ ଖଣ୍ଡ ଆକାଶରେ ।
ଅଗଣା ଆଗକୁ ଧାଇଁ ସେ ଯାଉଛି
କାଗଜ ଡଙ୍ଗାଟେ ଧରି
ଜଳରେଣୁ ସାଥେ ଖେଳୁଛି ଆନନ୍ଦେ
କୁନି ପିଲାଟିଏ ପରି ।
ବରଷା ଛୁଇଁଲେ ପ୍ରିୟାକୁ ମୋହର
ମତୁଆଲା ହୋଇଯାଏ
ଭିଜି ଭଜି ପୁଣି ବରଷାରେ ସିଏ
ପ୍ରେମର ରାଗିଣୀ ଗାଏ ।
ମୋ ପ୍ରିୟାର ମନ ମତୁଆଲା ହୁଏ
ବରଷା ଛୁଇଁଲା ପରେ
ଭିଜିବା ପାଇଁକି ଅବୁଝା ପ୍ରେୟସୀ
ଶ୍ରାବଣକୁ ବେଶି ଝୁରେ ।