ମୋ ଗାଁ ମାଟି ସରଗ ସମ
ମୋ ଗାଁ ମାଟି ସରଗ ସମ
ଭୁଗୋଳ ପୋଥି ପତରେ ପଛେ ନଥାଉ ତାର ନାଁଟି
କଟକ ସହର ତଳି ଅଂଚଳ ମୋ *ବାରଦା* ଗାଁଟି ।
ପାରୁଶେ ଯା'ର ମହାନଦୀ କୁଳୁକଳୁ ଯାଏ ବହି
ପାଇକା ଚିତ୍ରୋତ୍ପଳା ଶାଖାନଦୀ ଦୁଇ ଉତପତି ତହିଁ ।
କାଇଜଂଗମାଳ ଜଂଗଲ ଯା'ର ପଣତ କାନି ସମ
ଗିରିଧାରୀ ମଠ କୋଟ ଠାରେ ଧୁନି ଜଳେ ଅନିର୍ବାଣ ।
ମୃଗାଯୋର ଯହିଁ ସବୁଜ ଫସଲ ଫଳାଏ ପୁଷ୍ଟିକର
ସୁକ ପାଇକା କେନାଲ ଗଢେ ମୂଳ ପିଣ୍ଡ ଚାଷୀର ।
ତରାଚାନ୍ଦ ବିଦ୍ୟାଳୟ ଯହିଁ ମୂଳଦୁଆ ଗଢା ମୋର
ଜାମୁକୋଳିଠୁ ବଂଇଚ କୋଳି କି ମଜା ତୋଳିବାର !
ବିଷୁବ ଦିନ ଖରାଖାଇ ମା ପାଣିରୁ ହୁଏ ଉଭା
ଦୋଳ ପୁନେଇଁଠୁ ଚଇତ ଯାଏ ବିଂଚି ମେଲଣ ଆଭା ।
ଫୁଟବଲ୍ ଖେଳ ସାଂଗମେଳେ ନଦୀକୁଳ ପଡିଆରେ
ସୁରୁଜ ବୁଣେ ମୁରୁଜ ଅବା ଉଦୟ ଅସ୍ତରାଗରେ ।
ନାଗେଶ୍ୱରନାଥ ପାତାଳି ଲିଙ୍ଗ ଯା'ର ରକ୍ଷା କରତା
ସତ୍ୟନାରାୟଣ ପାଲା ଦିଏ ଶତାବ୍ଦୀର ବାରତା ।
ରାଧାନାଥଠୁ ଗୋପୀନାଥ ଲକ୍ଷ୍ମୀ ନାରାୟଣ ସ୍ୱୟଂ
ଶାରଦୀୟ ଦୁର୍ଗା ପୂଜାରେ ମନ୍ତ୍ରପାଠ ଓଁ ।
ଥାନପତି ମା ମଝିରେ ଥାଇ ଜଗିଛନ୍ତି ପୂରା ଗ୍ରାମ
ଦିଅ ମଂଗୁଳା ସର୍ବେ କରନ୍ତି ବାହାବ୍ରତ ହେଉ ଧର୍ମ ।
ସାଇକି ସାଇ ଲମ୍ବିଛି ଗାଁ ଆଡଦୀର୍ଘ ହେବ କୋଶେ
ଶାନ୍ତ ସରଳ ପରିବେଶ ଥିଲା ଚଉଦିଗେ ନାଁ ବାସେ ।
ରାଜନୀତି ସିନା ଦୁଷିତ କଲା ସରଳ ଗ୍ରାମ୍ୟ ସଂସ୍କୃତି
ଚକ୍ରବ୍ୟୁହରେ ବାଟ ହୁଡଇ ଅବୁଝା ଯୁବ ଶକତି ।
ବୀର ପ୍ରସବିନୀ ବୀରଦା ଅବା ଶାରଦୀୟ ଦୁର୍ଗା ବରଦା
ମଥା ପାତଇ ଜନ୍ମ ଭୂଇଁମୋ ସରଗ ସୁଷମା *ବାରଦା* ।
ବିଶ୍ଵେଶ୍ୱର ମାଝୀ
9437697161
majhibisweswar@gmail.com