Audio

Forum

Read

Contests

Language


Write

Sign in
Wohoo!,
Dear user,
ସକାରାତ୍ମକ ରେଳଯାତ୍ରା
ସକାରାତ୍ମକ ରେଳଯାତ୍ରା
★★★★★

© Dr Kulangar

Comedy

1 Minutes   6.8K    7


Content Ranking

ବନ୍ଧୁଗଣ! ଜାଣି ଖୁସିହେବେ କି

ମୁଁ ଏବେ ବି ସେମିତି ଦରିଦ୍ର ଅଛି;

ତେଣୁ ଦୂରସ୍ଥାନକୁ ବେମଯାନରେ ନଯାଇ

       ଭାରତୀୟ ରେଳରେ ଯାତ୍ରା କରୁଛି!

 

ସତକଥା ହେଲା ଧାରଣା ଉପରେ

ଧାବମାନ ରେଳର ଗୋଟେ ବାସ୍ନା ଅଲଗା;

ବାରମ୍ବାର ବ୍ୟବହାର କରିକରି 

    ରେଳ ନିଶାଗ୍ରସ୍ତ ପାଲଟିଚି ଏ ଅଭାଗା ।

 

ଆଉ ଗୋଟେ କଥା ହେଲା ବସରୁ 

ଓହ୍ଲେଇଦେବେ ନଥିଲେ ଟଙ୍କା ପକେଟରେ;

ରେଳରେ କିନ୍ତୁ ଅନେକ ସୁଯୋଗ

         ଯାତ୍ରା କରିବାକୁ ବିନା ଟିକେଟରେ!

 

ଭାରତର ଜନସଂଖ୍ୟା ବୃଦ୍ଧିକୁ ନେଇ

ଯେଉଁମାନଙ୍କର ଏବେ ବି ସନ୍ଦେହ ଅଛି;

ଗୋଟେ ସାଧାରଣ ବଗିରେ ଆରାମରେ

ବସିଯାଆନ୍ତୁ ମନ ପସନ୍ଦର ସିଟଟେ ବାଛି!

 

ରେଳରେ ଥିବା ଟ୍ୟାପରୁ ବାହାରି ଥାଏ

ଅତ୍ୟନ୍ତ ଖରାପ ପାଣି;

ଅଧିକ ପିଇ ବାରମ୍ବାର ପରିସ୍ରା ଧାଇଁବେ

           ତେଣୁ ଏହା ହୋଇଛି ଜାଣିଜାଣି!

 

ଟ୍ରେନରେ ସବୁଠୁ ଖରାପ ଖାଦ୍ୟ ପରଷି

ମାଗନ୍ତି ଅଧିକ ଟଙ୍କା ଦିଅନ୍ତୁ;

ଉଦ୍ଦେଶ୍ୟ ଆପଣ ବାହାରେ ଥାଇବି 

ଘରଖାଦ୍ୟ ଓ ଲୋକଙ୍କୁ ମନେ ପକାନ୍ତୁ!

 

ସାଧାରଣ ହେଉକି ଶୀତତାପ ନିୟନ୍ତ୍ରିତ

ରେଳଡବାରେ ବାରମ୍ବାର ଚୋରୀହୁଏ;

ସାମାନ୍ୟ ଗାଡି ନୁହେଁ, ଏହା

ସୁଷମ ବଣ୍ଟନର ଭ୍ରାମ୍ୟମାଣ କେନ୍ଦ୍ରଟିଏ!

 

ବିଳମ୍ବରେ ପହଁଚିବା ନୁହେଁ ଜମା

ଆମ ରେଳସେବାର ଖରାପ ପ୍ରକୃତି;

ଏହା ବାରମ୍ବାର ମନେପକେଇ ଦିଏ କି 

ଆପଣ ଆପଣଙ୍କ ପ୍ରିୟ ଭାରତରେ ଅଛନ୍ତି!!

 

-ଡକ୍ଟର କୁଳାଙ୍ଗାର, ୯୩୩୮୫୮୧୩୦୯

#ଓଡିଆ #ହାସ୍ୟ ବ୍ୟଙ୍ଗ #ହାସ୍ୟ କବିତା #ରେଳ ଯାତ୍ରା #ମଜା

Rate the content


Originality
Flow
Language
Cover design

Comments

Post


Some text some message..