ସବୁ କିବା ଗୁଲିଗପ

କିଛି ନ ଜାଣିଲା ଭଳି କେତେଦିନ

ରହିବୁ ବୁଲାଇ ମୁହଁ ,

ଏକାଥରେ ଖୋଲି କହୁନାହୁଁ କିଆଁ

ତୁ ଏବେ କାହାର ନୁହଁ ।(ଘୋଷା)

ଯେତେ ଯାହା ତୋର ମହିମା ଶୁଣିଛି

ସବୁ କିବା ଗୁଲିଗପ ,

କାହା ଲାଗି ତୁହି ସୁଲଭ୍ୟ ହୋଇଛୁ

କେ ପାଇଛି କରି ତପ ।

କେମିତି ଜାଣିବି କେତେ ସତ, ମିଛ

ନ ଖୋଲିଲେ ତୁହି ମୁହଁ ।(୧)

ଏକାଥରେ ଖୋଲି କହୁନାହୁଁ କିଆଁ

ତୁ ଏବେ କାହାର ନୁହଁ ।

ରାଜ ଥାଟ-ବାଟ ନୀତିରେ ଚଳି ତୁ

ସାଜିଲୁ ଅନେକ ବେଶ ,

କେ କାନ୍ଦି ଗଡ଼ିଲେ ,କା' ହଂସା ଉଡ଼ିଲେ

ତୋହର ଯାଉଛି କିସ !

ଭକତ ଆଖିରେ ଧୂଳି ଦେଇ ମିଛେ

ବୋଲାଉଛୁ ବଡ଼ଦିଅଁ ।(୨)

ଏକାଥରେ ଖୋଲି କହୁନାହୁଁ କିଆଁ

ତୁ ଏବେ କାହାର ନୁହଁ ।

କିଛି ନ ଜାଣିଲା ଭଳି କେତେଦିନ

ରହିବୁ ବୁଲାଇ ମୁହଁ ,

ଏକାଥରେ ଖୋଲି କହୁନାହୁଁ କିଆଁ

ତୁ ଏବେ କାହାର ନୁହଁ ।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।