ଭୋକ
ଭୋକ
1 min
194
ଏଠି ସମସ୍ତେ ଭୋକିଲା
ଯେଉଁଠି ଦେଖିଲେ
ମାଳ ମାଳ ଭୋକିଲାଙ୍କ
କରୁଣ ଆଉ ବଜ୍ର ଆର୍ତ୍ତନାଦ
କିଏ ଜୋର୍ ରେ ଛଡେଇ ନେଉଥାଏ
ତ କିଏ ଆତ୍ମ ସମର୍ପଣ ଆଳରେ
ଭୋକିଲା ପେଟ ଆଉ ଚିରା ପଣତ ଦେଖେଇ
ନେହୁରା ହେଉଥାଏ ।
କିଏ ଭୋକିଲା ଏଠି ଦେହ ଭୋକରେ
କିଏ ପେଟ ଭୋକରେ
କିଏ ଆତ୍ମା ଭୋକରେ
କିଏ ମନର ଭୋକରେ ।
ପୁଣି କିଏ
ମାନ ଆଉ ମର୍ଯ୍ୟାଦା ପ୍ରାପ୍ତିର ଭୋକରେ
ଧନ ଆଉ ବୈଭବ ଲାଳସାରେ
ଅନ୍ଧ ଏଠି ସମସ୍ତେ
ଆସନ ଆଉ ଶାସନ ଭୋକରେ ।
ଏବେ କୁହ
କିଏ ଏଠି ଭୋକିଲା ?
ରାସ୍ତା କଡ଼ର ସେଇ ନିରୀହ ମଣିଷ ରୂପି କଙ୍କାଳ
ନା ରାଜ ଉଆସର ମଣିଷ ରୂପି ଦାନବ
ଯା’ ଆଗରେ ମୂଲ୍ୟହିନ ସ୍ନେହ ,ପ୍ରେମ
ଆଉ ସମ୍ପର୍କର ଭାଷା ।