Audio

Forum

Read

Contests

Language


Write

Sign in
Wohoo!,
Dear user,
କା’ ବାଟର ଫୁଲ ହେଲିନି କାଳିଆ
କା’ ବାଟର ଫୁଲ ହେଲିନି କାଳିଆ
★★★★★

© Parshuram Biswal

Others

1 Minutes   13.1K    4


Content Ranking

କା’ ବାଟର ଫୁଲ ହେଲିନି କାଳିଆ

 

ପର୍ଶୁରାମ ବିଶ୍ୱାଳ

 

ବର ପତର ଦେଖିଲେ କହେ ଓସ୍ତ ପତର,

କଳାକୁ ଦେଖିଲେ କହେ ଧଳାଟି ସାର,

କି ଭାବେ ମଣିଷ ଗଢ଼ିଚୁରେ ମୋତେ

ତୋ ନାଆଁ ଧରିବାକୁ ମୋତେ ମାଡୁଛି ଡର !

 

କା’ ବାଟର ଫୁଲ ହେଲିନି କାଳିଆ,

କଣ୍ଟା ହେଲି ଖାଲି ଜୀବନସାରା,

କା’ ଘର ସଜାଡ଼ି ନାହିଁ ଦିନେ ମୁହିଁ,

ଉଜାଡ଼ିବା ହେଲା ମୋ କାମ ପରା !

ଏଭଳି ମଣିଷ ସରଜିଲୁ କିଆଁ

ବୁଝେଇ କହିଦେ’ ମୋତେ ଠାକୁର ମୋର ।

 

ଧନର ପାହାଡ଼ ଉପରେ ବସି ମୁଁ

ଧନେ ତଉଲିଛି ଜୀବନଗୋଟି,

ଗରବ ଦମ୍ଭଟି ମୋ ବନ୍ଧୁବାନ୍ଧବ,

ଦେଇନାହିଁ ତାକୁ ତୋ ପାଦେ ଭେଟି,

ମୁଁ ଧନପାଗଳ ମଣିଷଟି ସିନା

ଅମୃତ ଦେଖିଲେ କହେ ଖାଣ୍ଟି ଜହର !

 

ଏ ବୁଢ଼ା ବଅସେ ଆଜିରେ କାଳିଆ

ଜାଣୁଛି ତୁ ସତ, ମିଛ ଦୁନିଆ,

ଧନ, ଦାରା, ସୁତ କେହି ନୁହେଁ କା’ର,

ସବୁ ସିନା ଅଢ଼େଇଦିନିଆ,

ମଣିଷତା ମୋର ଫେରେଇଦେଏରେ

ହାତ ଯୋଡୁଛି ତତେ ମୁଁ କଳାଠାକୁର ।

 

ଗ୍ରା.-ମିତ୍ରସେନପୁର, ପୋ.ଅ.-ଗମୁଁ

ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪

ଫୋନ୍-୯୮୫୩୭୫୯୭୦୦

*****

କା’ ବାଟର ଫୁଲ ହେଲିନି କାଳିଆ

Rate the content


Originality
Flow
Language
Cover design

Comments

Post


Some text some message..