ମାଆ
ମାଆ
ମାଆ ନାମଟି ପବିତ୍ର ନିର୍ମଳ ଅମୂଲ୍ୟ ସ୍ନେହର ଘର
ଚିରନ୍ତନ ସତ୍ୟ ଦୟାର ଭଣ୍ଡାର ପ୍ରେମରେ ଭରପୁର l
ସବୁଠାରୁ ଶ୍ରେଷ୍ଠ ସଂସାର ମଧ୍ୟରେ ପୃଥିବୀଠୁଁ ବି ଗରିଷ୍ଠ
ମାଆ ନାମ ଥରେ ଉଚ୍ଚାରଣ କଲେ ଲାଗେ ନାହିଁ ଜମା କଷ୍ଟ l
ମାଆର କୋଳରେ ଶିଶୁଟିଏ ସଦା ନିର୍ଭୟରେ ରହିଥାଏ
ଡରଭୟ ତାର ଜମାରୁ ନଥାଏ ଆନନ୍ଦରେ ହସୁଥାଏ l
ମାଆ ନାହିଁ ଯାର ସାହା ନାହିଁ ତାର ଏକଥା ନିରାଟ ସତ୍ୟ
ମାଆ ପାଦଧୂଳି ମାଆ ଆଶୀର୍ବାଦରେ ହିଁ ଗଢା ଆମ ଭବିଷ୍ୟତ l
ଶିଶୁଟିଏ ପାଇଁ ସ୍ବପ୍ନ ଦେଖେ ମାଆ ଉପବାସ ବ୍ରତ କରି
ଦୁନିଆ ସହିତ ଏକୁଟିଆ ଲଢେ ନିଜେ ଦୁଃଖ ସହି କରି l
ଶିଶୁ ମୁହଁଟିରେ ହସ ଦେଖିକରି ସବୁ କଷ୍ଟ ଭୁଲିଯାଏ
ପଣତ କାନିରେ ଶିଶୁକୁ ଲୁଚାଇ ଅମୃତ ଦେଉଥାଏ l
ସୁନ୍ଦର ସୃଷ୍ଟିର ସୁନ୍ଦର ହିଁ ମାଆ ଧନ୍ୟ ସୃଷ୍ଟିର ଭିଆଣ
ସଂସାରର ମାତା ହେ ପୃଥିବୀ ମାଆ ତୁମ ପଦେ ପ୍ରଣାମ l