ଜୀବନ ଗୀତା-୩୩୪
ଜୀବନ ଗୀତା-୩୩୪
1 min
137
ଜୀବନରେ ମୋର କିଛି ଲୋଡ଼ାନାହିଁ
କହୁଥିବା ମଣିଷର
ତଳେଇକରି ବୁଝିଲେ ଲୋଡ଼ାହୁଏ
କିଂତୁ ଷୋଡ଼ଶୋପଚାର ॥୦॥
ମୁଁ ଏସବୁ ମଧ୍ୟେନାହିଁ
ପ୍ରକୃତରେ ମତେ କିଛି ଜଣାନାହିଁ
କହୁଥିବା ଲୋକ କିଂତୁ
ଚାଲିଯାଏ ବିଷମଞ୍ଜି ବୁଣିଦେଇ
ନୀତିବାନ ଲୋକ ଯେତେ କରଥାନ୍ତି
ଆପଣାପର ବିଚାର ॥୧॥
ମୁଁ ଏସବୁ କରେନାହିଁ
ମିଛଖଚ ମତେ କିଛି ଜଣାନାହିଁ
କହୁଥିବା ଲୋକ କିଂତୁ
ପୂରା ମିଛୁଆ ଓସ୍ତାତ ଅଟେ ଭାଇ
ପୂଣ୍ୟବନ୍ତ ବୋଲାଇବା ଲୋକ ପୁଣି
କରେ ପାପ ବାରଂବାର ॥୨॥