କେ ତୁମ ଅଧିକ ପ୍ରିୟ
କେ ତୁମ ଅଧିକ ପ୍ରିୟ
1 min
7.4K
ମୋହନ ହେ ବାରେ କୁହ-
ବୁଲାଇ ନିଅନା ମୁହଁ ,
ଏ ବଇଁଶୀ ଆଉ ମୋଅରି ଭିତରୁ
କେ ତୁମ ଅଧିକ ପ୍ରିୟ !
ଥରୁଟେ ଉତ୍ତର ଦିଅ ।(୦)
ଦିବା-ନିଶି ଥାଏ ସାଥିରେ ମୁରଲୀ-
ତାକୁ ବାଇ ଯାଅ ଭୋକ-ଶୋଷ ଭୁଲି ,
ସେ ନିନାଦେ ପରା ଲୋକ ଲାଜ ଭୁଲି
ଧାଇଁଯାଏ ଗୋପ-ଝିଅ ।(୧)
ଥରୁଟେ ଉତ୍ତର ଦିଅ;
ଏ ବଇଁଶୀ ଆଉ ମୋଅରି ଭିତରୁ
କେ ତୁମ ଅଧିକ ପ୍ରିୟ !!
ମୋ ଶ୍ଵାସ,ପ୍ରଶ୍ଵାସ,ମନ ଓ ପ୍ରାଣକୁ-
ସମର୍ପି ଦେଇଛି କେବଳ ତୁମକୁ ,
ବାକିଅଛି ଏହା କିବା ବୁଝିବାକୁ
ମଉନ ନ ରହି କୁହ ।(୨)
ଥରୁଟେ ଉତ୍ତର ଦିଅ;
ଏ ବଇଁଶୀ ଆଉ ମୋଅରି ଭିତରୁ
କେ ତୁମ ଅଧିକ ପ୍ରିୟ !!
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।