ମୁଁ ନେତା
ମୁଁ ନେତା
ନିହାରିକା ସାହୁ
ରାମ ଦାସ ଶିଷ୍ୟ ଶିବାଜି ମୁଁ ନୁହଁ
ଥାଳି ଧରି ଜୀବି ମାଗି,
ଦିବ୍ୟ ବ୍ୟଞ୍ଜନରେ ମୋ ଥାଳ ପୁରିଛି
ଏହି ଭୋଟରଙ୍କ ଲାଗି l
ବାଇମୁଣ୍ଡି ନୁହେଁ ମୋଟର କିଆଁ ଚିନ୍ତା
ପଥରର ବନ୍ଧ ଲାଗି,
ମୋର ନଅର ତ ଇଟା ସିମେଣ୍ଟରେ
ବନ୍ୟା କି ପାରିବ ଭାଙ୍ଗି ?
ଗୋପବନ୍ଧୁ ଦାସ ନୁହଁଇ ତ ମୁହିଁ
ପୁତ୍ର ଦେବୀ ପତ୍ନୀ କରେ,
ଲକ୍ଷେ ସନ୍ତାନର ମମତା ସଞ୍ଚିବି
ଏହି ସଂକୀର୍ଣ୍ଣ ହୃଦରେ l
ଢେଲା ଘାଟ ରକ୍ତ ଗୌରବ ଟୀକା
ମୋ ପାଇଁ କେବେ ନୋହିବ,
ରଣଜିତ ସିଂହ ନୁହଁଇ ତ ନେତା
ଅସ୍ତ୍ରରେ ଜବାବ ଦେବ l
ମଧୁ ନୁହେଁ ମୁହିଁ ମଧୁର ଭାସଇ
ଯଶ ପୌରୁଷ ପାଇଁ
ଅଭିନୟ ଭରା ଭାଷଣ ଭାଷିଲେ
ହୃଦୟ ଫୁଟି ଉଠଇ l
ନେତାଜୀ ନୁହେଁ ମୁଁ କାହିଁକି ଗଢ଼ିବି
ଆଜାଦି ପାଇଁ କୀ ଫୌଜ
ଏତେ ଟଙ୍କା ଫିଙ୍ଗି ନେତା ମୁଁ ହୋଇଛି
କିମ୍ପା ନ କରିବି ମଉଜ l