ଭକ୍ତି ଅଞ୍ଜଳି
ଭକ୍ତି ଅଞ୍ଜଳି
1 min
183
ଭକତି ଫକତି ଜାଣେନା ମୁଁ କିଛି
ଏତିକି ଜାଣିଛି ପ୍ରଭୁ
ତୁମେ ହିଁ ଆରମ୍ଭ ତୁମେ ହିଁ ମୋ ଶେଷ
ତୁମେ ମୋ ଜୀବନ ବିନ୍ଦୁ ।।
ସୁଖରେ ଦୁଃଖରେ କାତରେ ବୋଲଇ
ତଵ ପଞ୍ଚାକ୍ଷରୀ ନାମ
ତଵ ଶ୍ରୀମୁଖରେ ଦେଖେ ସବୁ ମୁଖ
ତୁମେ ହିଁ ପରମ ପ୍ରେମ ।।
ଜୀବନ ଯାତ୍ରାର ଏକା ମୁଁ ପଥିକ
ତୁମେ ହିଁ ମୋ ଦିଗ୍ଦର୍ଶକ
ରାଗ,ରୋଷ,ହିଂସା କପଟ ସବୁକୁ
ଦୂର କର ହେ ରକ୍ଷକ ।।
ଜୀବନ ମଞ୍ଚରେ ତୁମେ ନିର୍ଦ୍ଦେଶକ
ମୁଁ ଯେ ଛାର କ୍ଷୁଦ୍ର ପ୍ରାଣୀ
ତୁମ ନିର୍ଦେଶରେ କଢାଇ ନିଅ ହେ
ଜଗତେ କଲ୍ୟାଣ ଘେନି ।।