ଦୃଢ଼ ଜନମତ ବାହକ ସିନା ସେ
ଦୃଢ଼ ଜନମତ ବାହକ ସିନା ସେ
ଦୃଢ଼ ଜନମତ ବାହକ ସିନା ସେ
ପର୍ଶୁରାମ ବିଶ୍ୱାଳ
ଶକତି ଦେଏରେ ଭକତି ଦେଏରେ ହେ ପ୍ରଭୁ ଚକାନୟନ
ବଞ୍ଚିରହିଥାଉ ଆମରି ଦେଶରେ ଏ ଗଣତନ୍ତ୍ର ଶାସନ
କରୁଥାଉ ଜଗା ଏ ମାଟି ସନ୍ତାନ
ତୋର ଗୁଣ ସଂକୀର୍ଣ୍ଣ ।
ସଭିଙ୍କି ପାଠୁଆ କରିଦେଏ ଏଠି, ଯିଏ ଅଛି ନିରକ୍ଷର
ବୁଝି ଏ ଶାସନ ମୂଲ ଗୋଟି ସିଏ ଉଠାଇପାରିବ ସ୍ୱର
ଜନମତ ଏଠି ଜନକଲ୍ୟାଣରେ
ହେଉ ସେ ଜାଜ୍ଜ୍ୱଲ୍ୟମାନ ।
ହୃଦେ ରହୁ ପ୍ରଭୁ ଜାତୀୟତା ଭାବ, ଥାଉ ପଛେ ବିଭିନ୍ନତା
ହିନ୍ଦୁ, ମୁସଲମାନ, ଶିଖ, ଖ୍ରୀଷ୍ଟିଆନ ସବୁରି ପ୍ରାଣେ ଏକତା
ଭରିଦିଅ ପ୍ରଭୁ ଏ ଦେଶ ମହାନ
ହେଉ ବିଶ୍ୱ ସମାଚାର ।
ଲଣ୍ଠନଟି କାହିଁ ଜାଳିଲେ ସର୍କାର, ବିରୋଧୀ ବି ଶିଖୁ କିଛି
କାଚ ନଭାଙ୍ଗି ସେ ତେଲ ଭରିଦେଉ, କାଚ କରୁ ପୋଛାପୋଛି
ଗଠନମୂଳକ ସହଯୋଗ ଲୋଡ଼ା
ରାଜନୀତି ରହୁ ଦୂର ।
ସମ୍ବାଦ ସଂସ୍ଥାର ଭୂମିକାଟି ପ୍ରଭୁ ସବୁଠୁ ବେଶୀ ନିଆରା
ସତ୍ୟ, ନିରପେକ୍ଷ, ନିର୍ଭୀକ ସମ୍ବାଦ ଲୋଡ଼ା ଏ ଭାରତସାରା
ଦୃଢ଼ ଜନମତ ବାହକ ସିନାରେ
ଆଣେ ସବୁଠି ସଂସ୍କାର ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****