ଖୋଜୁ କଳାଟଙ୍କା କୋଉଠି କିମିତି

ଖୋଜୁ କଳାଟଙ୍କା କୋଉଠି କିମିତି

 

ପର୍ଶୁରାମ ବିଶ୍ୱାଳ

 

ଆମ ଦେଶେ ଯେତେ ଅଛି କଳାଟଙ୍କା, କି କହିବି ମହାବାହୁ

ଦେଶ ରାଇଜର ପାଣ୍ଠିରେ ମିଶିଲେ ଗରିବୀ ଆସିବ କାହୁଁ

ବିଦେଶରେ କଳାଟଙ୍କା ଖୋଜା କଥା

ପଛକେ ପଛକୁ ଥାଉ ।

 

ବଳକା ଆୟରେ କୋଟିକୋଟି ଆଜି ବାହାରେ ଯନ୍ତ୍ରିରୀ ଘରେ

ଆଉ କେତେ ସରକାରୀ କର୍ମଚାରୀ ଅଛନ୍ତି ଖୋଜା ବାହାରେ

ଗୋଟିଗୋଟି ଘର ହୋଇଲେ ତଲାସି

ଟଙ୍କା ହେବ ହାଉଜାଉ ।

 

ନେତା-ମନ୍ତ୍ରୀ କଥା କି କହିବି ପ୍ରଭୁ, ସିଏ ଏ ଦେଶ ମାଲିକ

କଳାଟଙ୍କା ଗଦା ଉପରେ ବସନ୍ତି, ନାହିଁ ବି ଟିକିଏ ଦକ

ଖୋଲା ହେଇଗଲେ ତାଙ୍କ ଗୁମରଟି

ବରଷିବ ଟଙ୍କା ମହୁ ।

 

ଆମ ଦେଶ ଆମ ରାଇଜେ ଅଛନ୍ତି କେତେକେତେ ଧନୀ ଲୋକ

ବଳକା ସମ୍ପତ୍ତି ଆପେ ଦେଇଦେଲେ ଖଟେଇ ତାଙ୍କ ବିବେକ

ଦେଶର କାମରେ ଲାଗିବ ସେ ପ୍ରଭୁ

ତାଙ୍କୁ ଧନ୍ୟଧନ୍ୟ କହୁ ।

 

ବୁଝେଇ କହିଦେ କାଳିଆ ତୁ ଆମ କେନ୍ଦ୍ର-ରାଜ୍ୟ ସରକାର

ଖୋଜୁ କଳାଟଙ୍କା କୋଉଠି କିମିତି ଅଛି ଯାହା ଅଗୋଚର

ତା’ହେଲେ ଦେଶର ପ୍ରଗତି ମଶାଲ

ଜଳିବରେ ଦାଉଦାଉ ।

 

ଗ୍ରା.-ମିତ୍ରସେନପୁର, ପୋ.ଅ.-ଗମୁଁ

ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪

ଫୋନ୍-୯୮୫୩୭୫୯୭୦୦

*****