ନୂଆବର୍ଷ ତୁମକୁ ସ୍ୱାଗତ
ନୂଆବର୍ଷ ତୁମକୁ ସ୍ୱାଗତ
ଯମେଶ୍ୱର କହଲସିଂହ
ମନରୁ ଲିଭିନି ଚକଡ଼ାଚଡ଼କ
ଅଦିନ ବରଷାସୁଅ
ପାଚିଲା ଫସଲ ପାଣି ଧୋଇନେଲା
ଚାଷୀର ଛାତିରେ କୋହ ।
ଦରଦାମ୍ ନିଆଁ ଜଳେ ହୁତୁହୁତୁ
ଜୀବନ ଦୁର୍ବିସହ
ଭାଷଣବାଜିରେ ଚାଲିଛି କେବଳ
ପ୍ରତିଶ୍ରୁତିର ସୁଅ
ଏବେଳରେ ତୁମେ ଆସ ନୂଆବର୍ଷ
ଦୁଃଖ ନେଇ ସୁଖ ଦିଅ । ।
ବାଣରୋଶଣିରେ କରୁଛୁ ସ୍ୱାଗତ
ଆସ ହେ ଅଠର ଆସ
ମାଟି ମଣିଷର ମଉଳା ମୁହଁରେ
ଫୁଟୁ ମୁଠା ମୁଠା ହସ
ନୂଆ ମନ ନେଇ ନୂଆବର୍ଷ ହୁଅ
ଆଦର୍ଶର ବାର୍ତ୍ତାବହ । ।