ମୌସୁମୀ ଓ ଆକାଶ
ମୌସୁମୀ ଓ ଆକାଶ
1 min
7.0K
ମୌସୁମୀ ଓ ଆକାଶ ।
ମୌସୁମୀ------!
ତମେ ମତେ ଭିଜାଇ ଦେଇପାର,
ଅଭିମାନରେ,
ଲୁହ ଝରାଇ ପାର
କିନ୍ତୁ
ତୁମେ ଆସ
ଅତର୍କିତ,
ନଥାଏ ଖବର
ତୁମ ଆସିବାର
ଆକାଶ ପାଖରେ
ଯଦିଓ
ତା ଛାତିକୁ ନେଇ
ତୁମେ ଖେଳ-----------!
ବେଳେବେଳେ,
ଅଣଦେଖା କରି
ଚିରହରିତ ସବୁଜିମାକୁ
ଓ ଆଶାର ଫୁଲର ସମ୍ଭାରକୁ
ବରଷି ଯାଅ ମରୁଭୂମିରେ
ବୋଧେ
ପୁଣି ଫେରିଯିବାକୁ
ତୁମ ପ୍ରକୃତିସ୍ଥ ଅବସ୍ଥା ଭିତରକୁ
ଠିକଣା ହଜାଇ ଦେବା ଭୟରେ-----!!
ମୌସୁମୀ
ଆଖି ବନ୍ଧର ବନ୍ଧନୀରୁ ଅଭିମାନରେ ଝରି ପଡିବାରେ
କଣ ? ମିଳେ ଯେ କେଜାଣି,
ବିଚରା ଆକାଶ ବାଧ୍ୟ ହୁଏ
ବିଜୁଳି,ଘଡଘଡିର ଉତ୍ପାତ
ଲହୁ ଲୁହାଣ ବି ହୋଇଯାଏ ତା ଛାତି
ତୁମେ କିନ୍ତୁ ବୁଝାଇ ନିଅ
ମନକୁ
ଝରାଇ କେଇ ବୁନ୍ଦା ଲୁହ
ଆକାଶର
ଛାତିକୁ ଚିରି--------!!!
©®କାଶ୍ୟପ,ରାୟଗଡା।