ସ୍ମୃତି ଅଭୁଲା ଦିନର

ସମୁଦ୍ରର ବିଶାଳତା ସାମ୍ନାରେ

ନିଛାଟିଆ ନିରୋଳାରେ

କେବେ କେବେ

କେଜାଣି କାହିଁକି

ମନ ଟାଣି ହୋଇଯାଏ

ବର୍ତ୍ତମାନରୁ ଅତୀତକୁ

ଯେଉଁଠି ନିଜର

ସ୍ଥିତି ଓ ନିଜତ୍ୱ

ସବୁକିଛି

ହୋଇଯାଏ ତୁଚ୍ଛ ।

ଭଲ ଲାଗେ ସେତେବେଳେ

ହଜିବାକୁ ସେଇ

ଅତୀତ ସ୍ମୃତିରେ

ସତେ ଯେମିତି

ସବୁ ସୁଖ, ସ୍ଵପ୍ନ ,

ଆବେଗ ଆଉ ଆଶାକୁ

ଖୋଜୁଛି ମନ ସେଇ

ସମୁଦ୍ର ଲହଡିର

ଘୁ ଘୁ ଗର୍ଜନ ଭିତରେ ।

କାହିଁକି କେଜାଣି

ସେତେବେଳେ ମଜିବାକୁ

ଖୁବ୍ ଇଚ୍ଛା ହୁଏ

ସମୁଦ୍ରର ତରଙ୍ଗାୟିତ

ଲହଡି ମନଙ୍କ ସାଥେ ।

ନାଚିବାକୁ ମନ କହେ

ଦଲକା ଦଲକା

ସେଇ ଜଳଦ ଭରା

ଥଣ୍ଡା ପବନରେ ।

ପ୍ରଶାନ୍ତ କୁମାର ବେହେରା

ଅଧ୍ୟାପକ , ରାଜନୀତି ବିଜ୍ଞାନ ବିଭାଗ,

ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂଶାସିତ ମହାବିଦ୍ୟାଳୟ,

ଜଗତସିଂହପୁର ।

ଦୂରଭାଷ - ୯୪୩୭୧୩୫୯୧୬