Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Inspirational

3  

Prasanna Kumar Madala

Inspirational

ମୋହର ଦାସ

ମୋହର ଦାସ

1 min
166



ସାଧନାରେ ସିଦ୍ଧି   ସହଜେ ମିଳେନି

ଫଳରେ ଆସକ୍ତି ବଢିଲେ ଅତି

ମୋହାନ୍ଧ ମଣିଷ   ଫଳ ପଛେ ଧାଇଁ

ଜାଣେନାହିଁ କେବେ ହରାଏ ମତି ।


ନିର୍ଲିପ୍ତ ଭାବକୁ     ଅନ୍ତରେ ନବୁଝି

ଯେତେ ଖଟାଇଲେ ଦେହର ବଳ

ପିଠିର ବୋଝ ହିଁ   ପରିଶ୍ରାନ୍ତ କରେ

ଦୂରେ ଘୁଞ୍ଚୁଥାଏ ଇପ୍ସିତ ଫଳ ।


ଫୁଟିଥିବା ଫୁଲ    ଦିନ ବିତିଗଲେ

ଝରିବା ଯେଉଁଠି ହୋଇଛି ଲେଖା 

ବିଫଳତା ଯୋଗୁଁ   ଲୁହ ଝରାଇଲେ 

ବଦଳି ଯିବ କି କପାଳରେଖା ?


ଲୁହ ଝରାଇଲେ   ଦୂରେଇବେ ମିତ

ଲକ୍ଷ୍ୟସ୍ଥଳ ଦୂରେ ହୋଇଛି ରଖା

ବୁଦ୍ଧିଶୁଦ୍ଧି ସହ     କାମ କରି ହସ

ଶତ୍ରୁ ବି ତୁମର ହୋଇବେ ସଖା ।


ଆଖି ଆଗେ ଯହିଁ   ଫଳ ଝୁଲିଥାଏ

ବଢି ଚାଲିଥାଏ ପାଇବା ମୋହ

ଫଳ ନମିଳିଲେ   ଜୀବନ ହାରିବା

ସମାନ ବଢଇ ପ୍ରାଣର କୋହ ।


ପ୍ରତି ନିଃଶ୍ବାସରେ   ଦୃଢ ବିଶ୍ବାସରେ

କାମ କରୁଥିଲେ ନଆସେ କ୍ଳାନ୍ତି

ସଫଳତା ବାଟ  ଆପେ ଖୋଲିଯାଏ

ଜୀବନରେ ଭରେ ଅପାର ଶାନ୍ତି ।


କପାଳ କହିଲେ    ଆଖି ଉପରକୁ

ଦୃଷ୍ଟି ଆଢୁଆଳେ କରଇ ବାସ

ଅନ୍ଧ ହୋଇ କେହି  ତଳମୁହାଁ ଥିଲେ

ସଫଳ ହୁଏ କି ମୋହର ଦାସ !



Rate this content
Log in