Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sujata Dash

Others

3  

Sujata Dash

Others

ସଂଜ୍ଞା ଜୀବନର

ସଂଜ୍ଞା ଜୀବନର

1 min
303



ଭଲପାଏ ତୁମକୁ ଗୋ ଜୀବନର ଧାରା !

ହେଲେ, ସୁଖର ପରିଭାଷା.. ମୋ ଲାଗି ନିଆରା

ଦୁଃଖ ଆଉ କ୍ଳେଶ, ଘାତ ପ୍ରତିଘାତ

ସଂପୂର୍ଣ୍ଣ ଏକାନ୍ତ ମୋର ଆଉ ବ୍ୟକ୍ତିଗତ ।

ବହମାନ ସ୍ରୋତଟିଏ ମୁଁ .....

ବହିଯାଏ ନ ମାନି ପ୍ରତିବନ୍ଧ

ଅଭିନୟ ମୋର ଚରିତ୍ର ଓ ଜୀବନ

ନାହିଁ ଅନୁଶୋଚନାର ତିଳେ ମାତ୍ର ଚିହ୍ନ ।

ସଚ୍ଚା ଅନୁଭବୀ ମୁଁ ଯେ,

ଜାଣିନିଏ ଅନ୍ତରର କଥା ଆଉ ବ୍ୟଥା

ଦରଦୀ ମନର ଯେତେ ଅକୁହା କାହାଣୀ ।

ଚେତନା ଓ ଚିନ୍ତନର ସ୍ତମ୍ଭିତ ରୂପରେ

ଦେଖିଥାଏ ବିବିଧତାର ରୂପ ଚିରନ୍ତନ ।

ହେଲେ ମାପିଚୁପି ପାହୁଣ୍ଡ ପକାଏ,

ଆପଣେଇ ନେଇଥାଏ ବାସ୍ତବ ଜୀବନ ।

କଳ୍ପନା ମୋ ଅସୀମ ଗଗନ, ସୀମାହୀନ ଦିଗନ୍ତ

ସ୍ୱପ୍ନର ତାଳେ ତାଳେ

ନିବିଡ଼ତାର ସ୍ବଚ୍ଛ ପ୍ରତିବିମ୍ବ

ଆତ୍ମାର ପରିଭାଷା ମୋ କବିତାର ଭାଷା

ସୃଜନ ସ୍ପନ୍ଦନ ମୋର ପ୍ରାଣର ଆବେଗ

କବିତା ରୁ ଆରମ୍ଭ ...କବିତା ରେ ଶେଷ ।



Rate this content
Log in