ସର୍ବସଂହା ମାଆ
ସର୍ବସଂହା ମାଆ
ମାଆ ଜନ୍ମଦାତ୍ରୀ ହୃଦୟା ଦରଦୀ
ସର୍ବସଂହା ମାତୃଦେବୀ ,
ସମ୍ପଦା ବିଭବା ଚିରବନ୍ଦନୀୟା
ଦୁଃଖସୁଖ ଅନୁଭବୀ ll
ମାଆ ସ୍ଵୟଂପୂର୍ଣ୍ଣା ମାଆ ଅନ୍ନପୂର୍ଣ୍ଣା
ସୃଷ୍ଟିରେ ବୈଚିତ୍ର୍ୟମୟୀ ,
ସୁଲଭ ସୌଲଭା ପ୍ରୀତିର ପ୍ରତିମା
ସର୍ବଯୁଗେ କାଳଜୟୀ ll
କରୁଣା କଲ୍ୟାଣ ମାଆ ' ଆଭୁଷଣ
ମଙ୍ଗଳ ବିଧାନ ମୈତ୍ରୀ,
ଆଶିର୍ବାଦେ ମାତ ସର୍ଵଦା ବଦିତ
ମହା ଅନୁଭବି ପୁତ୍ରୀ ll
ସନ୍ତାନ ସନ୍ତତି ମାଆର ସମ୍ପତ୍ତି
ଆଖିର ରତନ ଜ୍ୟୋତି ,
ମାଆ ଜାଣିପାରେ କେ'ଅଛି ସଂକଟେ
ଆହାକି ତା' ଭାଵ ପ୍ରୀତି ll
ମାତା ଗର୍ଭଧାରୀ ନିରଳସ ନାରୀ
ଦୁଃଖସୁଖ କୁହୁକିନୀ ,
ଦୁଃଖେ ହଉ ସୁଖେ ନୀଡକୁସଜାଡ଼େ
ସ୍ନେହଁମୟୀ ସରାଗିନି ll
ବାରମାସେ ପାଳେ ତେରବ୍ରତ ସେ'ଯେ
ମଙ୍ଗଳ ବିଧାନ ପାଇଁ ,
ଉପବାସେ ରହେ ସର୍ବ ଅଜାଣତେ
ହସିଦିଏ କଥାକହି ll
ଧରିତ୍ରୀର ମୈତ୍ରୀ ମାଆ ସୁନେତ୍ରୀ
ସହ୍ୟକରେ କଷ୍ଟ କ୍ଳିଷ୍ଟ ,
ଶାବକ ଅର୍ଦଳି ସହେ ମାଆ ବିଚାରି
ଦୁଃଖେ ହୋଇ ଉପବିଷ୍ଟ ll
ମାଆପରି କେହି ନାହିଁ ଏ' ସୃଷ୍ଟିରେ
ଭାବନାର ଅନ୍ତଃରାଳେ ,
ମାଆ ଏକା କାନ୍ଦେ ବେଦନା ଉଚ୍ଛ୍ଵାସେ
ଆପଦ ବିପଦ ବେଳେ ll
ଶୁଭ ଅବକାଶେ ଏ' ମାତୃ ଦିବସେ
କରହେ' ଶପଥ ସର୍ବେ ,
ମାଆହାତ କେବେ ଛାଡିବାନି ଆମେ
ବଞ୍ଚି ଥିବାଯାଏ ଭବେ ll
ଏ'ରମ୍ୟ ସୃ୍ଷ୍ଟିକୁ ଆଣିଛି ଆମକୁ
କେତେବଡ ତା'ର ତ୍ୟାଗ ,
ଦଶମାସ କାଳ ଗର୍ଭେ କରି ଭାର
କଷଣ କରିଛି ଭୋଗ ll
ହେ'ମାଆ ସମ୍ପଦା ସୁକଲ୍ୟାଣୀ ମାତା
ଶତଶତ ପ୍ରଣିପାତ ,
ତୋର ସନମାନ ନ'ହେଉ ମା' କ୍ଷୁର୍ଣ୍ଣ
ତୁ ' ଏ ' ସୃଷ୍ଟିର ମିତ ll