ଜୀବନ ଗୀତା- ୩୮
ଜୀବନ ଗୀତା- ୩୮
1 min
6.9K
ଜୀବନ ଗୀତା- ୩୮
ସାରା ଅଙ୍ଗେ ମୋର ବୟସର ପତ୍ରଝଡା
ତଥାପି ଏ ମନ ଦେଉଅଛି ଖଣ୍ଢିଉଡା
ନମାନି ଜୀବନ ପଥେ ମଡା କି ଅମଡା ॥୦॥
ମିଳନ କୁଞ୍ଜର ମହୁଆ ମହକ
ଟାଣୁଛି ଆଜିବି ମତେ
ଜୀବନ ସଞ୍ଜର ଅନ୍ଧାର ଆଲୋକ
ଘେରୁଛି ପଥ ମୋ ସତେ
ଦେହ ଦେଉନାହିଁ ସାଥ
ମନହୁଏ ଉତ୍ପାତ
ମନ ତ ବୁଝେନା ଏ ଦେହେ କେତେ ଯେ ପୀଡା ॥୧॥
ପ୍ରୀତି ଜରଜର ପାଗଳ ମନଟା
ମାନେନା ବନ୍ଧ କି ବାଡ
ଏ ଜରା ଶରୀରେ ନାହିଁ ତ ଭରସା
ହେଲାଣି ଅତଡା ଦାଢ
ମନ ମୋର ଚିର ମନୁଆଁ
ଦେହ ତ ଦଦରା ନାଆ
ମନ ତ ଜାଣେନା ମରଣ ଦୁଆରେ ଛିଡା ॥୨॥