ବିନନ୍ଦିନୀ
ବିନନ୍ଦିନୀ
ମାନସ ପଟରେ ବିନନ୍ଦିନୀ ତୁମେ
ମାନସ ମନ୍ଥନେ ଧୃତି,
ମାନସେ ମାନସ ପ୍ରତିଧ୍ୱନୀ ତୁମେ
ମାନସେ ମଧୁର ରାତି ॥
ମାନସ ପଟ୍ଟର ସୁରଭି କୁନ୍ତିକା
ମାନସର ଜାଇଫୁଲ,
ମାନସ ଉଦ୍ୟାନେ ପ୍ରଜାପତି ତୁମେ
ମାନସେ ଚମ୍ପା ମଂଜୁଳ ॥
ମାନସ ରାଜ୍ୟର ତୁମେ ନାଗଚମ୍ପା
ମାନସର ସରୋବର,
ମାନସ ପଲଙ୍କେ ତୁମେ ମନସ୍ୱିନୀ
ମାନସର ପ୍ରୀତି ଅର୍ଘ୍ୟ ॥
ମାନସ ଶେଯରେ ମାନସି ବୈଦେହୀ
ମାନସ କଦମ୍ବ ଫୁଲ,
ମାନସ ବାଟିରେ ବିବ୍ୟ ସୈାଦାମିନୀ
ମାନସେ ତୁମେ କମଳ ॥
ମାନସ କୁଂଜରେ ତୁମେ ନୃତ୍ୟାଂଗନା
ମାନସର କୁଝ୍ଝଟିକା,
ମାନସ ଦୋଳିରେ ତୁମେ ହାସ୍ୟମୟୀ
ମାନସେ ସାମୁକା ମୁକ୍ତା ॥
ମାନସେ ମାନସ ସପନ ବେଦୀରେ
ମାନସ ଭିଜା ଶରୀରା,
ମାନସେ ଶର୍ବରି ମୃଗତୃଷ୍ଣା ନୀରେ
ମାନସେ ମୋ ପ୍ରେମଶାଳା ॥
ମାନସେ ମାନିନୀ ମାନସ ହରିଣୀ
ମାନସର ପ୍ରେମ ଗଂଗା,
ମାନସେ ବୁହାଇ କାମର ଜୁଆର
ମାନସେ ମହକ ଶୃଂଗା ॥
------ଗୈାରାଂଗ ଚରଣ ବେଉରା-----
-----ଶିକ୍ଷକ,କୁଲିଆମାଲ ଉଚ୍ଚ ବିଦ୍ୟାଳୟ----