ହେ ଶିବାପତି
ହେ ଶିବାପତି
(0)
ହେ ଶିବାପତି ପାର୍ବତୀପତି
ହେ ଶିବ ଶମ୍ଭୁ ଶଙ୍କର |
ଚରଣେ ଶରଣ ଦିଅ ବାରେ ପ୍ରଭୁ
ଏତିକି ମିନତି ମୋର ||
(1)
ଜଟାରୁ ଝରଇ ଜାହ୍ନବୀର ଧାର
ଗଳାରେ ଭୁଜଙ୍ଗ ମାଳ |
ମସ୍ତକରେ ଅର୍ଦ୍ଧ ଚନ୍ଦ୍ର ଶୋଭାପାଏ
ଆହେ ପ୍ରଭୁ ମହାକାଳ |
ତୁମ ଅଙ୍ଗ ଶୋଭା କେତେ ମନ ଲୋଭା
ତୁମେ ତ ସଂସାର ସାର |
ହେ ଶିବାପତି ପାର୍ବତୀପତି
ହେ ଶିବ ଶମ୍ଭୁ ଶଙ୍କର ||
(2)
ଭସ୍ମକୁ କରିଛ ଅଙ୍ଗରଗ ପ୍ରଭୁ
ବ୍ୟାଘ୍ର ଚର୍ମ ଯେ ବସନ |
ହସ୍ତରେ ପିନାକ ଡମ୍ବରୁ ତ୍ରିଶୁଳ
ଦିଶେ କେଡେ ଶୋଭାବନ |
ବୃଷଭ ବାହାନେ ବୁଲୁଛ ଶ୍ମଶାନେ
ନାହିଁ ମନରେ ବିକାର |
ହେ ଶିବାପତି ପାର୍ବତୀପତି
ହେ ଶିବ ଶମ୍ଭୁ ଶଙ୍କର ||
(3)
ଅଳ୍ପରେ ସନ୍ତୁଷ୍ଟ ବୋଲି ତବ ନାମ
ହୋଇଅଛି ଆଶୁତୋଷ |
ମୋ ବେଳକୁ କାହିଁ ହେଉଛ ବିମୁଖ
ଆହେ ପାର୍ବତୀଙ୍କ ଈଶ |
ତୁମ ଦୟା ହେଲେ କୋଟୀ ଜନମର
କଳୁଷ ହୋଇବ ଦୂର |
ହେ ଶିବାପତି ପାର୍ବତୀପତି
ହେ ଶିବ ଶମ୍ଭୁ ଶଙ୍କର ||
********