କବି ଓ କବିତା

କବିତା......

କବି ହୃଦୟର ବ୍ୟଥା

ମନ ଆଇନାର କଥା

କବି......

ଆଙ୍କିପାରେ ପାଣିରେ ଛବି

ଅମାବାସ୍ୟା ରାତିରେ ଉଦୟ କରାଇପାରେ ରବି

କେତେ ହସ ଲୁହ କାଗଜେ ଉତାରି

ସାଇତିଛି କଳ୍ପନା ଓ ବାସ୍ତବ

ଶବ୍ଦରେ ଶବ୍ଦରେ କବିର ଦୁନିଆ

କଲମରୁ ଝରେ ହୃଦୟ ଭାବ ।

ଛୁଇଁଯାଏ ଯେବେ ଦୁଃଖକୁ ଶବଦ

ଭରିଦିଏ ନୟନେ ସେ ଲୋତକ

ସୁଖ ଶବ୍ଦ ଯେବେ ଝରାଏ କଲମ

ହୃଦୟେ ଭରଇ କେତେ ପୁଲକ ।

ପ୍ରେମ କାହାଣୀକୁ ଅମର କରଇ

କବି ପ୍ରାଣପ୍ରିୟା ଅଟେ ଲେଖନୀ

ବ୍ୟଙ୍ଗରେ ବ୍ୟଙ୍ଗରେ କରଇ ବିଦ୍ରୋହ

ସମାଜେ କବି ଓ କଲମ ବେନି ।

ଦିଗବଳୟ ପାରି ଦେଖଇ କବି

ତୃତୀୟ ଈଶ୍ବର ଆସନ ତେଣୁ

ହଜେଇ ନିଜକୁ ଶବ୍ଦ ଦୁନିଆରେ

ଧରିଥାଏ କଲମ ଖଡ୍ଗ ଓ ବେଣୁ ।।

....... ପଦ୍ମାଳୟା