ଇଚ୍ଛା
ଇଚ୍ଛା
ସୁଖ
ଚାହୁଁଥିବା ଲୋକଟି
ସତରେ କ'ଣ ସୁଖ ପାଏ ?
ମହମହ ବାସୁଥିବା
ଫୁଟିଲା ଫୁଲଟିଏ
ସତରେ କ'ଣ
ପୂଜାରେ ଲାଗେ ?
ଲୁହ ବିନ୍ଦୁ ସବୁ ଏକାଠି ହୋଇ
ସତରେ କ'ଣ
ସମୁଦ୍ର ପାଲଟିଯାଏ ?
ଇଚ୍ଛା କ'ଣ
ସତରେ ଏକ ଚିରସ୍ରୋତା
କଳକଳ ନଈଟିଏ
କୂଳ ଲଂଘନକରି
ଧାଉଁଥାଏ
ଅବିରତ ?
ମଣିଷର ଚକମକ୍
ସଫେଦ୍ ଚେହେରା ଭିତରେ
ସତରେ କ'ଣ
ପାପ ର ବସାଟିଏ
ଦୋହଲୁଥାଏ ?
ଦଲକାଏ
ଛଳନାର ପବନ
ସତରେ କ'ଣ
ପ୍ରେମର କଢିଟିକୁ
ବୃନ୍ତଚ୍ୟୁତ କରିପାରେ ?
ପାପର ସୌଦାଗର
ସତରେ କ'ଣ
ପୁଣ୍ୟର ପଥ
ଅବରୋଧ କରିପାରେ ?
ସବୁ ଇଚ୍ଛାଗୁଡାକ
ସତରେ କ'ଣ
ଘୋଡା ହୋଇପାରେ ?
ସବୁ କଳା ମଚମଚ
ରାତିଗୁଜିକ
ସତରେ କ'ଣ
ଜୌସ୍ନାରେ ଭିଜିପାରେ ?
ଏମିତି ହୁଅନ୍ତା ନି
ନର୍କ ସ୍ଵର୍ଗ ହୋଇଯାଆନ୍ତା
ବିଷ ଅମୃତ ହୁଅନ୍ତା
ଅବିଶ୍ଵାସ ବିଶ୍ଵାସରେ
ବଦଳିଯାଆନ୍ତା
ମଣିଷମାନେ
ଈଶ୍ଵର ପାଲଟିଯାଆନ୍ତେ
ଦାନବମାନେ
ମଣିଷରେ ବଦଳିଯାଆନ୍ତେ ।
ଶରତ କୁମାର ଦାସ