Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Dr.Sashi Bhushan Mohapatra

Others

5.0  

Dr.Sashi Bhushan Mohapatra

Others

ଯିଏ ଜୀବନ ବଞ୍ଚାଏ

ଯିଏ ଜୀବନ ବଞ୍ଚାଏ

1 min
173



ଆକାଶ ମେଘାଚ୍ଛନ୍ନ

ମେଘ ବି ଭାସମାନ,

ଅପସରି ଯିବା ପୂର୍ବରୁ

ହେମାଳ ପବନରେ

ଟୋପା ଟୋପା ବର୍ଷା ହୋଇ

ଆକାଶରୁ ଗଳିପଡିବ ।

ମାଟିକୁ ଭିଜେଇ

ଗଡିଆ, ପୁଷ୍କରିଣୀ ପୁର୍ଣ କରି

ଝରଣା ହୋଇ

ନଦୀକୁ ବୋହି ଯିବ ।

ତାପରେ ମେଘମୁକ୍ତ ଆକାଶରେ

ଫୁଲ ଫୁଟିବ,

ବିଜୁଳି ବତୀ ପରି

ଜହ୍ନ, ଆକାଶର ବତୀଖୁଣ୍ଟରେ ଝୁଲିବ ।


ପାଣି ଟୋପାଏ ପାଇଁ

ବୃକ୍ଷ ଲତା,ଜୀବ ଜନ୍ତୁ

ସମସ୍ତେ ଆକାଶ ମୁହାଁ,

ପ୍ରେମିକ, ପ୍ରେମିକା ବି

ଭାରି ଆନମନା ।

ବର୍ଷାର ବର୍ଷଣରେ

ହସିବ ବନସ୍ପତି,

ଫୁଲରୁ ଫୁଲକୁ ଡେଇଁ

ଖେଳିବ ପ୍ରଜାପତି,

ସବୁଜ ଭରା ପଡିଆରେ

ଝୀଂଟିକା ସ୍ବପ୍ନ ଦେଖିବ

ଘାସ ଗାଲିଚାରେ ବସି ।


ବେଳେବେଳେ ମେଘ

ବିଜୁଳି ଚାବୁକରେ

ବାଘ ପରି ହେଂଟାଳିବ,

ତା' ଦେହରୁ ବର୍ଷା ଫାଟି

ଅବିଶ୍ରାନ୍ତ ଥପ ଥପ ଝରିବ ।

ଟପ ଟପ ଝରିବ କଦମ୍ବ ଗଛରେ,

ଝିଙ୍କାରୀଙ୍କ କୋରସରେ   

ଗଜଲ ଗାଇବ ବର୍ଷା

ନିର୍ଜନ ଅନ୍ଧାର ରାତିରେ ।

ସାରୁ ପତ୍ରରେ ନାଚିବ 

ପାରଦ ପରି ଢଳି ଢଳି

ଗୋଟିଏ ପତ୍ରରୁ ଅନ୍ୟ ପତ୍ରରେ ।

ଦଂଶନ କରେ ବି

ଦେହ,ପ୍ରାଣ, ମନକୁ

ତା' ସମ୍ମୋହନ ଶକ୍ତିରେ ।

ପୃଥିବୀରେ ଜମିଥିବା ଧୂଳିକୁ

ଘଷି ମାଜି ସଫା କରି

ସଂଜୀବନୀ ଶକ୍ତି ଭରି

ମାଟିରେ ଆଶ୍ରୟ ନେବ ।


ସେ ସେଇ ମେଘ

ଯିଏ ବର୍ଷା ଢାଳେ

ବର୍ଷା ଯିଏ ଜୀବନ ବଞ୍ଚାଏ,

 ଦେହ ଓ ମନକୁ

ପୁଲକିତ କରେ,

ମେଘ, ବର୍ଷା, ପୁଲକ

ସ୍ମୃତିରେ ଚିରକାଳ

ବସା ବାନ୍ଧି ରହେ ।



Rate this content
Log in