ଜୀବନ ଗୀତା-୩୧୩

ଜୀବନକୁ ବୁଝିବା ତ

ସହଜ ନୁହେଁ

ବୁଝିହୁଏ କିଛି ପୁଣି

ଅବୁଝା ରୁହେ ॥୦॥

କେବେ ଲୁଚିଯାଏ

ଗାଢ ଅଂଧକାରେ

ପୁଣି ଆଲୁଅରେ

ଝଲମଲ କରେ

ଜୀବନ କେବେ ଅରଣ୍ୟର ପଥ

ଅଚିହ୍ନା ଅଜଣା କଣ୍ଟକଭରା

କେବେପୁଣି ସେ ଚିହ୍ନାଜଣା ପଥ

ପଥଧାର ନାନା ଫୁଲରେ ଭରା

ସୁରଭିତ ସମୀର ତା

ମନକୁ ମୋହେ ॥୧॥

କେବେ ପାରିଦିଏ

ଫୁଲର ବିଛଣା

ପୁଣିଦିଏ କେବେ

କଣ୍ଟାର ଯନ୍ତ୍ରଣା

ଜୀବନ କେବେ ପ୍ରେମର ପୂରବୀ

ପ୍ରେମରେ ପ୍ରେମରେ ଭିଜାଉଥାଏ

କେବେପୁଣି ସିଏ ଛିନ୍ନ ବୀଣାରେ

ବିରହ ରାଗିଣୀ ବଜାଉଥାଏ

ଭରଦେଇ କେତେ ଦୁଃଖ

ଛୋଟ ହୃଦୟେ ॥୨॥