ଅବୁଝା
ଅବୁଝା
କବିତାକୁ ମୋର ପଚାରିଲି ଥରେ
କାହିଁକି ଅବୁଝା ହୁଅ
ଟିକିଏ କଥାରେ ରାଗିଯାଅ କେବେ
କେବେ ହସି ଧରାଦିଅ (1)
ଟିକିଏ ହସିଲା ହସିକି କହିଲା
ମୁଁ ପରା ମନେଇ ଝିଅ
ମନ ମାନିଥିଲେ ଅତି ଆପଣାର
ନହେଲେ ନଈର ସୁଅ (2)
କଲମକୁ ମୋର ପଚାରିଲି ଥରେ
ଗୁମ ସୁମ କାହିଁ ପାଇଁ
କବିତା ଲେଖିବା ସମୟ ଆସିଲେ
ଚାଲୁନି ତୁ କାହା ପାଇଁ (3)
କଲମ ହସିଲା ହସିକି କହିଲା
ତୁମ ମନ କଥା ଲେଖେ
ତୁମ ପ୍ରେମ କଥା ଲେଖିଲା ବେଳେ ମୁଁ
ମୋ ପ୍ରିୟI ସପନ ଦେଖେ (4)
ଭାବନା କୁ ମୋର ପଚାରିଲି ଥରେ
କାହିଁକି ତୁ ବୁଲୁ ଥାଉ
କେବେ ଲାଗେ ମତେ ମୋ ପାଖରେ ଅଛୁ
କେବେ ଦୂରେ ଚାଲିଯାଉ(5)
ଟିକେ ଲାଜେଇଲା ହସିକି କହିଲା
ମୁଁ ତୁମ ମନର ପରୀ
ତୁମରି ପ୍ରେମରେ ହସି ନାଚୁଥାଏ
ଦୁଃଖରେ ଯାଏ ମୁଁ ମରି ( 6)
ପ୍ରୀତି ଭରା ତୁମ ପ୍ରେମ କବିତାକୁ
ଗୁଣୁ ଗୁଣୁ ଗାଉଥାଏ
ଉଦାସ ରାତିରେ ଜହ୍ନ ତାରI ମେଳେ
ଲୁଚକାଳି ଖେଳୁଥାଏ (7)