ଶାଶ୍ବତ ପ୍ରେମ
ଶାଶ୍ବତ ପ୍ରେମ
ଅନାଦି କାଳରୁ ପ୍ରେମ ଯେ ଶାଶ୍ବତ
ପ୍ରେମ ସତ୍ଯ ଚିରନ୍ତନ
ପାର୍ଥିବ ଜଗତେ ସବୁ ସମ୍ପର୍କରୁ
ପବିତ୍ର ଏଇ ବନ୍ଧନ ।୧।
ପ୍ରେମ ପ୍ରକୃତିର ବରଦାନ ଅଟେ
ଦୁଇଟି ହୃଦୟ ପାଇଁ
ଆକାଶ ଗର୍ଭରେ ଚନ୍ଦ୍ର ଶୋଭାପାଏ
ସରସୀରେ ଉଏଁ କଇଁ ।୨।
ପଦ୍ମ ମଧ୍ଯ ଚାହେଁ ସୂର୍ଯ୍ଯଙ୍କର ମୁହଁ
ଲଭିବାକୁ ଜ୍ଯୋତିଧାରା
ଆନନ୍ଦ ମନରେ ନିତି ଦେଖୁ ଥାଏ
ସୂର୍ଯ୍ଯଙ୍କୁ ଜୀବନ ସାରା ।୩।
ଠିକ୍ ସେହିପରି ପ୍ରେମ କରୁଥିବି
ପ୍ରେମିକା ଗୋ ତୋତେ ଚାହିଁ
ତୁ ପଦୁଅ ହେଲେ ମୁଁ ହେବି ସୂରୁଯ
ଚନ୍ଦ୍ର ହେଲେ ହେବୁ କଇଁ।୪।
ଯେତେ ଦିନ ଯାଏଁ ସୂର୍ଯ୍ଯ ଚନ୍ଦ୍ର ତାରା
କରୁଥିବେ ଆତଯାତ
ସେତ ଦିନ ଯାଏଁ ପ୍ରେମ କରୁଥିବି
ଏମିତି ପ୍ରେମିକ ମୁଁ ତ।୫।