ଫନି ବାତ୍ୟା
ଫନି ବାତ୍ୟା
ଫନି ମହାବାତ୍ୟା କରିଦେଲା
ମୋର ସହରକୁ ଛାରଖାର
ଘରଦ୍ବାର ସବୁ ଭାଙ୍ଗି ଦେଲା
ଚାଷଜମି କଲା ନାରଖାର ।
ବୃକ୍ଷରାଜି ସବୁ ଉପାଡିଲା
ଆଉ ଫୋନ୍ ବିଜୁଳିର ତାର
ଖାଦ୍ୟ ଓ ପାନୀୟ ଜଳ ପାଇଁ
ପଡିଗଲା କେତେ ହାହାକାର ।
ଗରୀବ ଆଉଟି ହେଲେ ଭୋକେ
ଶୋଷେ ଖୋଲା ଆକାଶର ତଳେ
ବିନା କରେଣ୍ଟରେ ଛଟପଟ
ସହର ବାସିନ୍ଦା ମାନେ ହେଲେ ।
କିରାସିନି ଲଣ୍ଠନ ଜଳିଲା
ଶୋଇଲେ ଘର ଛାତ ଉପରେ
ବିନା କରେଣ୍ଟରେ ଜୀବନର
ଶୈଳୀ ଶିଖିଗଲେ ଧୀରେ ଧୀରେ ।
ବଢିଗଲା ଜିନିଷର ମୂଲ
ବଢିଲା ପୁଣି କିଳା ପୋତେଇ
ସବୁଭୁଲି ଆଗକୁ ବଢିଲେ
ଆମ ସହରର ସବୁଭାଇ ।
ପ୍ରମାଣିତ କରି ଦେଖାଇଲେ
ବିପଦକୁ ତାଙ୍କ ନାହିଁ ଡର
ସାମନା କରିବେ ବୀର ପରି
ଝଡ ବାତ୍ୟା ଆସୁ ଯେତେଥର ।