ଜହ୍ନ ଲୋ ଚାଲି ଆ
ଜହ୍ନ ଲୋ ଚାଲି ଆ
ଜହ୍ନ ଲୋ ତୋତେ ମୁଁ କଣେଇ ଚାହିଁଲେ
ତୋ'ଦେହୁ ମୁକୁତା
ଖସେଇ ଥାଉ ।
ତୋ'ରି ଜୋଛନାର କଅଁଳ ଢେଉରେ
ଆକାଶେ ବଉଦ
ଭସେଇ ଦେଉ ।।
ମିଞ୍ଜି ମିଞ୍ଜି ତାରା ଫୁଲରେ ଫୁଲରେ
ତୋ' ନିଜ ଅଗଣା
କେଡେ ସୁନ୍ଦର ।
ଶରତ ଋତୁର ସିତ ଲହରୀରେ
ଆହୁରି ଦିଶୁ ତୁ
କି ମନୋହର ।।
ତୋ'ଜୋଛନା ପିଇ ଫୁଲ ରାଣୀ ଜୁଇ
ମିଠା ମହକରେ
ମହକି ଯାଏ ।
ଆକାଶ ତୋହରି ନିଜ ଘର ପରା
ସାଗର ବି ତୋତେ
ଅନେଇଥାଏ ।।
ରଜନୀ ରାଣୀ ତୋ' ଜୋଛନାରେ ହୁଏ
ସାତ ଦରିଆର
ସାଧବ ବୋହୁ ।
ତୋ' ରଙ୍ଗରେ ଶାନ୍ତି ଶୀତଳ ଲହରୀ
ବୋଇତ ମେଳାର
ଚହଟ ଢେଉ ।।
ଆ' ଲୋ ଚାନ୍ଦିନୀ ଚଂଚଳା ଓଢଣୀ
ସାରା ରାଇଜରେ
ବିଛେଇ ଦେଏ ।
ତୁ ପରା ଆମର ଗେଲ ବସର ର
ସାଥି ଟିଏ ହେବୁ
ରାଇଜ କୁହେ ।।
ଜହ୍ନ ଲୋ ଚାଲି ଆ ମୋ କୋଳ ମଣ୍ଡିବୁ
ସଂଗେ ମୋ'ଖେଲିବୁ
ହୋଇ ନିଜର ।
ସରାଗ ସପନେ ରାଇଜ ଗଢିବା
ନ ରଖି ମନରେ
ଆପଣା ପର ।।