ହେ ବୀର ସହିଦ ଘେନ ପ୍ରଣତି
ହେ ବୀର ସହିଦ ଘେନ ପ୍ରଣତି
ଦେଶ ମାତୃକାରେ ସେବାରେ ରତ
ରହିବା ପାଇଁ କି କରି ଶପଥ
ଜୀବନକୁ ଦେଲ ବାଜି ଲଗାଇ
ସହିଦ ହୋଇଲ ଏ ଦେଶ ପାଇଁ ॥
ଆତଙ୍କବାଦୀର ଆତଙ୍କ ନାଦେ
ଅବା ସୁଖ ଦୁଃଖ ହର୍ଷ ବିଷାଦେ
କର୍ତ୍ତବ୍ୟରେ କେବେ କରିନ ହେଳା
କାହିଁକି ଏ ବିଧି ଅନ୍ୟାୟ କଲା ॥
ପତ୍ନୀଠାରୁ ପତି ନେଲା ଛଡାଇ
ପୁତ୍ର କନ୍ୟା ବାପ ଛେଉଣ୍ଡ ହୋଇ
ଝରାନ୍ତି ନୟନୁ ଲୋତକ ଧାର
ବୃଦ୍ଧ ପିତା ମାତା କି ନାରଖାର ॥
ଶୋକେ ମ୍ରିୟମାଣ ସମଗ୍ର ଦେଶ
ଭୁଲିବନି କେବେ ତୁମର ଯଶ
ବଳିଦାନ ତୁମ ଯିବନି ବ୍ୟର୍ଥ
ତୁମେ ଏ ଦେଶର ଯୋଗ୍ୟ ସୁପୁତ୍ର ॥
ଧନ୍ୟ ହୋଇଗଲା ଜୀବନ ତୁମ
ରଖିଗଲ କାଳ କାଳକୁ ନାମ
ଫୁଲି ଉଠେ ଦେଶ ମାତୃକା ଛାତି
ହେ ବୀର ସହିଦ ଘେନ ପ୍ରଣତି ॥