ଶୀତର ଅନୁଭୂତି

ଛଅଟି ଋତୁରେ ବର୍ଷଟିଏ ଗଢା

ଗ୍ରୀଷ୍ମ ବର୍ଷା ଶୀତ ତିନି ତହିଁ ଚଢା। 

ବର୍ଷା ଅନ୍ତେ ଶୀତ ଆସେ ଧରାପରେ

ପତ୍ର ଝଡା ଋତୁ ଶୀତର ବେଭାରେ। 

ଶୀତ ପ୍ରକୃତିର ମହା ଆଶୀର୍ବାଦ 

କର୍କଶ ସ୍ୱରୂପ କୋମଳର ଭେଦ ।

ଖରିଫ ଫସଲ କଟାର ସମୟ 

ରବି ଫସଲର ବିପଣୀ ନିଚୟ। 

ପରିବେଶ ଆଜି ହେଲାଣି ପ୍ରଳୟ

ବାୟୁ ମଣ୍ଡଳରେ ଓଜୋନ ବଳୟ ।

ଜଂଗଲ ହେଲାଣି ପଡିଆର ରୂପ

ଶୀତର ଗଲାଣି ପୂରୁବ ପ୍ରକୋପ ।

ନିଆଁ ପୋଇଁବାର ଗହଳ ଚହଳ

ପଡିଲାଣି ଆଜି ସବୁଠି ମହଳ ।

କମ୍ବଳ ଚଦର ହୋଇଲାଣି ସ୍ମୃତି

ଶୀତ ପାଇଁ ଲୋଡା ହୋମର ଆହୁତି ।

ପରିବେଶ ଗଢି ଜଂଗଲ ବଢିଲେ

ଶୀତର ଗୀତ କି ରହିପାରେ ଦୂରେ !